კიევის "დინამოს" რუმინელმა მწვრთნელმა მირჩა ლუჩესკუმ განმარტა, რატომ ხარჯავენ საუდის არაბეთის კლუბები ტრანსფერებზე წარმოუდგენელ თანხებს:
"რატომ უნდა წავიდე საუდის არაბეთში? მე ემოციურ განზომილებას და პასუხისმგებლობას გაცილებით უფრო მეტად ვაფასებ, ვიდრე ფინანსურ ინტერესებს. ამიტომ არ წავედი "ალ ნასრიში". შემეძლო "ფენერბაჰჩეში" მემუშავა, მაგრამ მათ წინადადებას არ დავთანხმდი. იმის დასრულება მჭირდება, რაც უნდა გავაკეთო, თუ შევძლებ. ამიტომ ამას არ ვნანობ.
საუდის არაბეთი აკეთებს იმას, რაც ოდესღაც ჩინეთმა გააკეთა. მე არ ვიცი, ეს რამდენი ხანი გასტანს. როგორც კი მათი ნაკრები წარმატებას ვერ მიაღწევს, დანებდებიან.
ახლა კი, რაც ჟურნალისტს სტამბულში შეემთხვა (საუდის არაბეთის საელჩოში ჯამალ ხაშოგის მკვლელობა), ეს მათ სჭირდებათ. მათთვის იმიჯის შეცვლაა აუცილებელი და ფეხბურთში უზარმაზარი ინვესტიციები განახორციელეს".
"სირცხვილია!" - კროოსი ვეიგას მიერ "ნაპოლისთვის" უარის თქმას და მის "ალ აჰლიში" ტრანსფერს გამოეხმაურა
