23 მაისს ქალაქ საგარეჯოში განახლებული ცენტრალური საფეხბურთო მოედანი ოფიციალურად გაიხსნა. გახსნის ოფიციალური ღონისძიება, რომელსაც ადგილობრივი მოსახლეობა, ხელისუფლების წარმომადგენლები, ფეხბურთის გულშემატკივრები და ფეხბურთის ფედერაციის ოფიციალური პირები ესწრებოდნენ, 17:00 საათზე, საქართველოს ეროვნული ჩემპიონატის რეგიონული ლიგის კალენდარული მატჩით გაგრძელდა.
განახლებულ სტადიონზე პირველად, საგარეჯოს "გარეჯმა" აჩაბეთის "ლიახვს" უმასპინძლა - მატჩი ფრედ, 3:3 დასრულდა.
შეკრებილ საზოგადოებას სიტყვით ფეხბურთის ფედერაციის პრეზიდენტმა მიმართა და მათ განახლებული სტადიონის გახსნა მიულოცა:
"ძალიან მეამაყება დღევანდელი დღე და მინდა, მადლობა გადავუხადო ყველას, ვინც ეს საჩუქარი გაუკეთა საგარეჯოელებს და არა მხოლოდ მათ,
მუნიციპალიტეტისათვის სტადიონის განახლების მნიშვნელობაზე ისაუბრა საგარეჯოს მუნიციპალიტეტის მერმა. მან აღნიშნა, რომ ეს წინსვლა მხოლოდ დასაწყისია და მნიშვნელოვანი ნაბიჯია პროექტის საბოლოო მიზნამდე, რომელიც სამომავლოდ სპორტული კომპლექსის დამატებითი ინფრასტრუქტურის მოწყობას გულისხმობს.
მომზადებულია gff.ge-ს მიხედვით
