ფოტო: armeniasputnik.am
"არარატ-არმენიას" მთავარმა მწვრთნელმა ვარდან მინასიანმა ევროპა ლიგის მესამე საკვალიფიკაციო ეტაპის პირველი მატჩის წინ პრესკონფერენცია გამართა და "საბურთალოსთან" შეხვედრაზე ისაუბრა.
"ჩვენ შევისწავლეთ "საბურთალო", თუმცა გასაგები მიზეზების გამო მათ სუსტ მხარეებზე არ ვისაუბრებ. ეს ტექნიკურად კარგად მომზადებული გუნდია, რომელსაც ბურთის დაჭერა უყვარს. ჩვენი მეტოქე კარგად შეთამაშებული გუნდია. თუმცა ჩვენ ყველაფერს გავაკეთებთ გამარჯვებისათვის.
რაც შეეხება პლეი-ოფის კენჭისყრას, არ მინდა ამ საკითხზე საუბარი, დღეს მხოლოდ მომავალ მატჩზე ვილაპარაკოთ. ჩვენ კარგ მდგომარეობაში ვართ და ნელ-ნელა ფორმაშიც შევდივართ. თუმცა ჯერ ვერ ვიტყოდი, რომ იდეალურ
ფორმაში ვართ. ასევე, უფრო შეთამაშებულები გავხდით, ვიდრე ადრე და საბედნიეროდ, არც ტრავმირებული გვყავს გუნდში.
ჩვენი გუნდის სტრატეგიის შესახებ საუბარს არ დავიწყებ. როცა შეხვედრა დამთავრდება, გეტყვით, რას ვცდილობდით და რას მივაღწიეთ", - თქვა "საბურთალოს" მეტოქის მწვრთნელმა.
"არარატ-არმენიასა" და "საბურთალოს" შორის ევროპა ლიგის მესამე საკვალიფიკაციო ეტაპის პირველი შეხვედრა დღეს, 6 აგვისტოს, ერევნის ოლიმპიურ სტადიონზე თბილისის დროით 19:00 საათზე დაიწყება.
Sportall.ge შეეცდება, მატჩის სთრიმი შემოგთავაზოთ.
![alt](/pictures/image50/5064674d653516ca849eb84d07ad12fb.jpg ""არარატ-არმენიას" მწვრთნელი: "საბურთალო" ტექნიკური და შეთამაშებული გუნდია")
გიორგი ჭიაბრიშვილი: ახლა უფრო ძლიერი მეტოქე გვყავს, ვიდრე შესაძლოა მომავალში გვყავდეს
!["არარატ-არმენია" ევროპა ლიგის პლეი-ოფში გავიდა [VIDEO]](/pictures/image7/5475fec56d40fb5c64bc6a14914f1568.jpg "\"არარატ-არმენია\" ევროპა ლიგის პლეი-ოფში გავიდა [VIDEO]")
!["საბურთალოს" მძლეველ "არარატ არმენიას" "დუდელანჟმა" პენალტების სერიაში მოუგო [VIDEO]](/pictures/image7/65039be2064fa9882a6f455078696745.jpg "\"საბურთალოს\" მძლეველ \"არარატ არმენიას\" \"დუდელანჟმა\" პენალტების სერიაში მოუგო [VIDEO]")
