თურქულ შეკრებაზე ჩატარებულ მეექვსე საკონტროლო მატჩში, წვიმიან ამინდში, თბილისის "დინამომ" უკრაინის "ოლეკსანდრია" 1:0 დაამარცხა. გოლი 87-ე წუთზე თორნიკე ახვლედიანმა გაიტანა.
აღსანიშნავია, რომ "დინამომ" თურქეთში გამართულ ამხანაგურ შეხვედრებში პირველად გაიმარჯვა და პირველად არ გაუშვა გოლი საკუთარ კარში. მე-19 წუთზე მეკარე როინ კვასხვაძემ პენლტი მოიგერია.
"დინამოში" სინჯებზე მყოფმა 26 წლის კამერუნელმა შემტევმა ფრანც პანგოპმა ითამაშა, რომელიც ბოლოს ავსტრიის "ალტახის" ღირსებას იცავდა. მას თავისი ქვეყნის ნაკრებში 4 მატჩი აქვს ჩატარებული.
"დინამო" (სასტარტო): კვასხვაძე, ტრუბოჩკინი, ბენიო, ლოჩოშვილი, კობოური, ნინუა, პაპავა, კუხიანიძე, პანგოპი, ორშულა, კაპანაძე
შეცვლაზე შევიდნენ: იაშვილი, ქიმაძე, ქარდავა, კუცია, ზარია, ბუღრიძე, ახვლედიანი
"დინამომ" აქამდე ხუთი სპარინგი გამართა: რუმინეთის "ვოლუნტართან" (1:3), ბულგარეთის "არდასთან" (2:3), კრაკოვის "ვისლასთან" (2:3), სერბეთის "რადნიკთან" (2:2) და სერბეთის "მლადოსტთან" (0:1), 15 თებერვალს კი კიევის "დინამოს" შეხვდება.
![alt](/pictures/image50/141a1fcc5304b43924afd1f7a7e3ee06.jpg "თბილისის "დინამო"")
თბილისის "დინამო" "მლადოსტთან" დამარცხდა
