ბოდბელი ეპისკოპოსის, მეუფე იაკობის განცხადებით, ის ვერ ამჩნევს, რომ პროკურატურა ან შინაგან საქმეთა სამინისტრო გიორგი შაქარაშვილის გარდაცვალების საქმეზე ვინმეს ხელს აფარებდეს.როგორც მეუფე იაკობმა ჟურნალისტებს განუცხადა, დავით სარალიძის მკვლელობის ამბავმა აჩვენა, რომ არაფერი ჩაიფარცხება.
"მე ვერ შევამჩნიე ვერც პროკურატურას, ვერც შსს-ს ვიღაცას ხელს აფარებდნენ. რაც მთავარია ითქვა, რომ ეს იყო მკვლელობა, აქაც ჩემი გულისტკივილი მინდა გამოვხატო. ვუსამძიმრებ შაქრაშვილის სიკვდილს არა მთელ საქართველოს, მხოლოდ ოჯახს.
ჟურნალისტებმა ბევრი რამ გააკეთეს, მაგრამ არ მგონია, რომ ეს ძიებაც არ მისულიყო ამაზე და უფრო ღრმადაც
ჩავლენ ალბათ. ჩემთვის გულსატკენია, რომ აქეთაც ახალგზარდები არიან. იქით გარდაცვლილი გვყავს და აქეთ კიდევ ამდენი ახალგაზრდა. ჩემი თხოვნა იქნება, ოჯახის ტრაგედიას და გიორგის ტრაგედიას პოლიტიკოსები ნუ შეეხებიან,"- განაცხადა მეუფე იაკობმა.
შეგახსენებთ, რომ ექსპერტიზის დასკვნით, გიორგი შაქარაშვილის სიკვდილის მიზეზია ასფიქსია წყალში დახრჩობით.
გენერალური პროკურატურის ინფორმაციით, შაქარაშვილის გარდაცვალების საქმეზე უკვე არსებულ კვალიფიკაციას დამამძიმებელ გარემოებებში ჯგუფურად განხორციელებული განზრახ მკვლელობა დაემატა.
წყარო: IPN.GE
დღის ფოტო: ვაკო ყაზაიშვილმა და გურამ კაშიამ გიორგი შაქარაშვილის ოჯახს მხარი დაუჭირეს [PHOTO]
!["ნასვამი იყო შაქარაშვილი, ალბათ, თვითონ გადაგორდა..." - მსჯავდებულის დედა [VIDEO]](/pictures/image7/4012d216374717d5e2e8107dacb5f2a2.png "\"ნასვამი იყო შაქარაშვილი, ალბათ, თვითონ გადაგორდა...\" - მსჯავდებულის დედა [VIDEO]")
![გამოირიცხა, გიორგი შაქარაშვილს დაზიანება წყალში ჩავარდნის შედეგად არ მიუღია [VIDEO]](/pictures/image7/9335af38f8633caccb87ad7a5d144054.png "გამოირიცხა, გიორგი შაქარაშვილს დაზიანება წყალში ჩავარდნის შედეგად არ მიუღია [VIDEO]")
რატომ არ აქვეყნებთ ჩემს კომენტარს,სიმართლის გამო? აი სინამდვილეში რა კომენტარი გააკეთა სრულად მეუფე იაკობმა