როგორც აღმოჩნდა, ქართულ ფეხბურთშიც ხდება სასწაულები და ამისი ნათელი მაგალითი მე-4 ლიგის წითელ ჯგუფში გამართული ჩხოროწყუს "სამეგრელოსა" და თბილისის "იბერიას" დაპირისპირება გახლავთ.
მეგრელები თბილისელებს საკუთარ მოედანზე მასპინძლობდნენ. გუნდის ძირითადი მეკარე ნიკა ჯოხაძე დისკვალიფიცირებული იყო, მატჩის წინ კი მეორე კიპერმა - თორნიკე გეგუჩაძემ ტრავმა მიიღო. ფაქტობრივად, ჩხოროწყუელები მეკარის გარეშე დარჩნენ.
შეხვედრა ამ მიზეზის გამო 20 წუთის დაგივანებით დაიწყო, კარში კი მეგრელთა ახალგაზრდა ნახევარმცველი დავით ბერიშვილი ჩადგა.
შეხვედრა კი მასპინძლებმა 3:1 მოიგეს. თბილისელთა გოლის ეპიზოდში მართალია, ბერიშვილმა შეცდომა დაუშვა, თუმცა რამდენიმე მომენტში საკუთარი გუნდი გოლისაგან იხსნა.
მეოთხე ლიგის წითელ ჯგუფს ჭიათურის "მაღაროელი" 15 ქულით ლიდერობს. "სამეგრელო" 6 ქულით ბოლო, მე-8 ადგილზეა, "იბერია" კი 8 ქულით მე-7 პოზიციას იკავებს.
წყარო: lelo.ge
ილიამ სამეგრელო რატომ ვერ ნახაო კითხულობ?! მან იქ ქართველობა ნახა და გიკარნახა, რიგორ უნდა იცხოვრო... და გაიგე ერთი რამ, სამეგრელო, სვანეთი, აფხაზეთი, გურია, იმერეთი და ა.შ, საქართველოა, და ქართველთა მოდგმის ხალხი ცხოვრობს!