"პირველ არხზე" გადაცემა "ტაიმაუტის" სტუმარი სფფ-ის ყოფილი გენერალური მდივანი გახლდათ, რომელმაც France Football-ის მიერ გამოქვეყნებულ "ოცნების გუნდზე" ისაუბრა.
ყოფილმა ფეხბურთელმა საუბარში საქართველოს ნაკრებიც ახსენა.
"თანამედროვე ფეხბურთი ყოველდღიურად იცვლება. გუშინ სხვა რაღაც ხდებოდა, დღეს უკვე სხვა არის და ამაზე ყველა თანხმდება.
არ მესმის, როდესაც ამბობენ, რომ საქართველოს ნაკრებმა აუცილებლად შემტევი ფეხბურთი უნდა ითამაშოსო...
რატომ? - ეჭიროს მეტოქეს ბურთი 60% და ჩვენ ვიყოთ მეორე ნომრები. ჩამოაწოდოს იმან 15 კუთხური და შენ გაცილებით ნაკლები.
შეხედეთ მოურინიოს, რას აკეთებს დღეს ის და ინგლისში ყველაზე
ტიტულოვანი მწვრთნელია. მან 300 მილიონი გამოიმუშავა და ყველა შესაძლო ტიტული მოიგო.
ლა ლიგას ჩახედეთ და ნახავთ, რომ 38 გოლის გამტანი "ბარსელონა" მესამეზეა, 31 გოლის შემგდები "ატლეტიკო" კი - პირველზე. ამიტომ, ჩემთვის გაუგებარია, რატომ უნდა ვითამაშოთ აუცილებლად შემტევი ფეხბურთი", - ამბობს არველაძე.
![alt](/pictures/image50/dadf4d73d2ea68b83feaa159c5a900cb.jpg ""რატომ უნდა ვითამაშოთ შემტევი ფეხბურთი?! შეხედეთ ყველაზე ტიტულოვან მოურინიოს..." - რევაზ არველაძე საქართველოს ნაკრებზე")
რევაზ არველაძე: ამ ფეხბურთელებით და ამ ჯგუფში, პლეი ოფში მოსახვედრად უნდა გვებრძოლა
თანაც გაუგებარია, ამ ფეხბურთს არ ვთამაშობთ ბოლო 10-12 წელი, ვისთან გაქვთ პრეტენზია? ჯერ შეშინებულ ქეცბაიას ვუყურეთ, მერე დამფრთხალ ვაისს და სად ვართ? ეტყობა ფეხბურთი თქვენც ქეცბაიასავით სანახევროდ გესმით - გახსოვთ ალბთ, ოცდამეერთე საუკუნეში ქართულ ფეხბურთში ერთ-ერთი ყველაზე „ბრძნული“ გამონათქვამი -„შეტევას რესურსი უნდაო“, კი ბატონო ნამდვილად უნდა, მაგრამ იმას, რასაც ვცდილობთ და თქვენც ემხრობით გაცილებით მეტი რომ უნდა, ამაზე როგორღა ვართ?
ამიტომ სიმართლე თქვით თქვენ და თქვენისთანებმა - მეორე ნომრად თამაშისას მოგებას კი არ ცდილობთ, არამედ გოლის არგაშვებას და იღბალზე ხართ დამოკიდებული, მეტოქეს შეიძლება ბურთზე ფეხიც აუცდეს და მოგებასაც ხელი გამოვკრათო. ესაა და ეს...