რა უთხრა მიშა მესხს რეალის პრეზიდენტმა სანტიაგო ბერნაბეუმ

AutoSharing Option
საბჭოთა კავშირი-არგენტინის მატჩის შემდეგ, რომელიც ბუენოს-აირესში გაიმართა, მადრიდის "რეალის"ლეგენდარული პრეზიდენტი სანტიაგო ბერნაბეუ მიშა მესხს სასტუმროს ნომერში ეწვია, წინ ჩეკების წიგნაკი დაუდო და უთხრა:

-სენიორ მესხი, ფრანკო (ესპანეთის დიქტატორი -ავტ.) მადრიდის "რეალში"გეპატიჟებათ და გთავაზობთ, თქვენივე ხელით ჩაწეროთ ის თანხა, რისი მიღებაც ხელფასის სახით გსურთ.

მიხეილ მესხმა "რეალის"პრეზიდენტს დელიკატური უარი უთხრა. გაბრაზებულმა ბერნაბეუმ ჩეკის წიგნაკს ხელი დაავლო, კარისკენ წავიდა და თან მიშას მიაძახა:

-ფრანკომ მითხრა, თუ უარით გამოგისტუმრებს, მაგ წითელ ფეხბურთელს გადაეცი, რომ საბჭოეთში დღეს ვარსკვლავია, მაგრამ ხვალ შეიძლება შიმშილით ამოხდეს სულიო.

მესხმა ბერნაბეუ შეაყოვნა, კარადიდან თავისი ნაკრების თერთმეტნომრიანი მაისური გამოიღო, "რეალის"პრეზიდენტს შეაჩეჩა და უთხრა:

-ეს მაისური ფრანკოს წაუღეთ და უთხარით, რომ დღეს დიქტატორია, ხვალ კი შეიძლება დაამხონ და შიმშილით რომ არ მოკვდეს, მიშა მესხის მაისური გაყიდოს.

intermedia

altზუსტად 60 წლის წინ - სლავა მეტრეველმა და მიხეილ მესხმა სსრკ-ს ევროპის ჩემპიონობა მოუტანეს [VIDEO]


ტეგები:
მკითხველის კომენტარები / 3 /
საიდან იგონებთ ასეთ სისულელეებს?
master
10 აპრილი 2021 16:01
5
ჩამოყალიბდით. მესხიმ მისცა მისი მაისური თუ ყიფიანმა მოუწერა ფულზე ხელი. ორივე ისედაც ძალიან დიდია იმდენად დიდი რომ საფრანგეთში დღემდე ახსოვს ბევრს მესხი და ქართველ ზიდანს ეძახიან. ტყუილი ისტორიები არაა საჭირო.
რატო
10 აპრილი 2021 12:52
2
მესხმა საბჭოკა კავშირის ნაკრებტან ერთად 1960 წელს პარიზში მოიგო ევროპის თასი და ფრანგებზე მართლაც დიდი შთაბეჭდილება მოახდინა. მაგრამ თუ გავითვალისწინებთ, რომ ზიდანი მაშინ არათუ არ თამაშობდა, პროექტშიც კი არ იყო (დაიბადა 1972 წ.), ცოტა საეჭვოა, რომ მიშას ვიღაც საფრანგეთში ქართველ ზიდანს ეძახდა ან ეძახის!
გულშემატკივარი
11 აპრილი 2021 21:16
0

სიახლეები პოპულარული