"ჩვენ ყოველთვის აუტსაიდერებად მივიჩნევით, მაგრამ ისევ დავამარცხებთ ქართველებს!" - აზერბაიჯანელი გულშემატკივრების გამოხმაურება

ჩემპიონთა ლიგის პირველ საკვალიფიკაციო ეტაპზე თბილისის "დინამოსა" და ბაქოს "ნეფთჩის" დაპირისპირებას ორივე ქვეყანაში საკმაოდ დიდი გამოხმაურება მოჰყვა. სოციალურ ქსელებში, როგორც ქართულ, ასევე აზერბაიჯანულ გვერდებზე, არაერთი კომენტარი დაიწერა.

აზერბაიჯანელი გულშემატკივრები იმედიანად არიან განწყობილნი, თუმცა წარმატების მისაღწევად, რამდენიმე პოზიციაზე გაძლიერებას აუცილებლად მიიჩნევენ. "ნეფთჩის" "ფეისბუქგვერდის" პოსტის ქვემოთ დაწერილი კომენტარებიდან რამდენიმეს შემოგთავაზებთ.

"ნებისმიერი მოწინააღმდეგის, მათ შორის, თბილისის "დინამოს" გავლას დიდი მომზადება სჭირდება."

"ნუ დაიშურებთ ნურაფერს, დაამარცხეთ ქართველები!"

"დიდი შესაძლებლობა გვაქვს, ქართველებს ფეხბურთის თამაში ვასწავლოთ!"

"თქვენ დიდი ფლაგმანი ხართ!"

"სასწრაფოდ უნდა განხორციელდეს 3-4 მოთამაშის ტრანსფერი. იმედი მაქვს, ამ ბარიერს გავივლით."

"ჩვენ ყოველთვის აუტსაიდერებად მივიჩნევით, მაგრამ ისევ დავამარცხებთ ქართველებს!"

"წარმატებას რომ მივაღწიოთ, მეკარე, ცენტრალური და მარცხენა მცველი, ასევე, თავდამსხმელი გვჭირდება."

"იმედი გვაქვს, წელს "ნეფთჩის" ჩემპიონთა ლიგის ჯგუფში ვიხილავთ."

"ნუ შევალთ ქართული გუნდის გვერდზე და შეურაცხყოფას ნუ მივაყენებთ, ცივილიზებულები ვიყოთ!"

"ბოლო პერიოდში ქართული ფეხბურთის დონე გაიზარდა, ფრთხილად უნდა ვიყოთ!"

"ნეფთჩი" ისეთივე ბრენდია, როგორც "დინამო" - ცხადაძის პირველი კომენტარი

ცნობილია, ვის შეხვდება "დინამო" ჩემპიონთა ლიგის 1-ელ საკვალიფიკაციო ეტაპზე