თურქულ შეკრებაზე "სამგურალმა" პირველ ამხანაგურ მატჩში რუმინეთის მეორე ლიგის "მიერკურეა" 2:1 დაამარცხა, - ამის შესახებ წყალტუბოური კლუბი თავისი "ფეისბუქის" გვერდით იტყობინება:
"თურქულ შეკრებაზე მყოფმა წყალტუბოს "სამგურალმა" დღეს პირველი ამხანაგური მატჩი რუმინული "მიერკურეა ჩიუკის" წინააღმდეგ გამართა და მეტოქე 2:1 დაამარცხა.
თანაბარი საწყისი წუთების შემდეგ გიორგი მიქაძის გუნდმა უპირატესობა მოიპოვა და რამდენიმე რეალური საგოლე მომენტი შექმნა. უპირატესობა მალე ანგარიშშიც აისახა. მატჩის 25 - ე წუთზე დემურ ჩიხლაძემ წყალტუბოელები ეფექტური გოლით დააწინაურა.
მეორე ტაიმში არაერთი შეცვლა განხორციელდა. "სამგურალს" რამდენჯერმე შეეძლო ანგარიშის გაზრდა, რუმინელმა
მეკარემ ურთულესი ბურთები აუღო დემურ ჩიხლაძეს და აკო ვერულიძეს. რუმინელების კარში მეორე გოლი 75 წუთზე დოლიძის კარგი გადაცემის შემდეგ სენეგალელმა ლეგიონერმა აბუბაქარ ტუნკარამ გაიტანა, რომელიც "სამგურალს" თურქულ შეკრებაზე დღეს შეუერთდა. რუმინელებმა ერთი გოლი 83 -ე წუთზე გაქვითეს და საბოლოო ანგარიში დააფიქსირეს.
სამგურალი ( I ტაიმი): ქვილითაია, კიკაბიძე, ქურდაძე, პატარკაციშვილი, მაისაშვილი, კალანდარიშვილი, გილმორი, ბაშელეიშვილი, ჩიხლაძე, კუხიანიძე, გავაშელიშვილი
II ტაიმში შევიდნენ: ვერულიძე, დევდარიანი, შ.ბურჯანაძე, ტურე, თევზაძე, რუხაძე, დოლიძე ახვლედიანი, აბუბაკარ ტუნკარა".
![alt](/pictures/image50/ac0066d6ee509b57722a6f247b214183.jpg ""სამგურალმა" თურქული შეკრება მოგებით დაიწყო")
"სამგურალი" სენეგალელ და "ზენიტის" ფეხბურთელს დაიმატებს - ინტერვიუ კლუბის პრეზიდენტთან
![ეროვნული ლიგა. XXXIII ტური. "სამგურალი" - "სამტრედია" [LIVE]](/pictures/image7/5a6c33f826862eff21fc15ad654617d7.png "ეროვნული ლიგა. XXXIII ტური. \"სამგურალი\" - \"სამტრედია\" [LIVE]")
![ეროვნული ლიგა. XXXI ტური. "კოლხეთი" - "სამგურალი" [LIVE]](/pictures/image7/0581d80e95235b67f8ba5ff70566268a.jpg "ეროვნული ლიგა. XXXI ტური. \"კოლხეთი\" - \"სამგურალი\" [LIVE]")
