დღეს, 22 თებერვალს, ლეგენდარული ქართველი ფეხბურთელი შოთა არველაძე 49 წლის გახდა.
ამსტერდამის "აიაქსმა" ჩვენებურს დაბადების დღე ნიდერლანდურ გუნდში გატანილი 10 საუკეთესო გოლით მიულოცა.
შეგახსენებთ, დღეს, 23:45 საათზე, ჩემპიონშიპის 34-ე ტურის შეხვედრაში, შოთა არველაძის "ჰალი" აუტსაიდერ "ბარნსლის" ესტუმრება და მონატრებული გამარჯვების მოპოვებას ეცდება. სადებიუტო შეხვედრაში აღებული 3 ქულის შემდეგ ქართველი სპეციალისტის გუნდს აღარ მოუგია.
ჰალელები გასავარდნ ზონას საკმაოდ (13 ქულით) აღემატებიან და თუკი დღეს გამარჯვებას მოახერხებენ, ფაქტობრივად, მომავალი სეზონისთვის მზადების დაწყება შეუძლიათ, წინააღმდეგ შემთხვევაში კი, გარკვეული ინტრიგა იარსებებს.
