არველაძე: გაჩერებას არ ვაპირებთ... აქ მუშაობა მსიამოვნებს

დღეს, 15 აპრილს, თბილისის დროით 18:00 საათზე, შოთა არველაძის "ჰალი", რომელმაც გასულ ტურში სტუმრად "მიდლსბრო" (1:0) დაამარცხა და კარგ ხასიათზეა, "კარდიფს" უმასპინძლებს. მატჩის წინ ქართველმა სპეციალისტმა ისაუბრა:

"კარდიფის" ბოლო თამაშები ვნახე. მათაც ჰქონდათ აღმავლობა და ჩავარდნა, გარკვეულ ცვლილებებს მიმართეს და სისტემაც კი შეცვალეს. ვფიქრობ, მწვრთნელი საუკეთესო თამაშის ძიებაშია, რაც მათ შეუძლიათ.

მეტოქეს კარგი ახალგაზრდები ჰყავს, რომელთაც საკმაოდ ბევრს ქმნიან. ასევე, გამოცდილი მოთამაშეებიც.

ჩვენ გვინდა ვაჩვენოთ საკუთარი (თამაში) და მეტოქეს ბურთი წავართვათ".

ჩემპიონატში დარჩენა მათემატიკურად იქნება უზრუნველყოფილი, თუ "ვეფხვები" "ბარნსლისთან" 15-ქულიან უპირატესობას შეინარჩუნებენ,

თუმცა არველაძე თვითკმაყოფილებას არ მიეცემა და გათამაშების კარგად დასრულება სურს:

”კარგ მდგომარეობაში ვართ, მაგრამ გაჩერებას არ ვაპირებთ. ჩვენ ხუთი თამაში დაგვრჩა, "ბარნსლის" კი - ექვსი. გუნდს სურს თითოეულ მატჩში მაქსიმალური ქულები მიიღოს და ასე გვინდა გავაგრძელოთ; ძალიან კარგია ამის მოსმენა ბიჭებისგან და აქ მუშაობა მსიამოვნებს."

არველაძის გუნდს დატვირთული კვირა აქვს - 23 აპრილამდე 3 ტური ჩატარდება, ჩემპიონშიპის მიმდინარე გათამაშება კი 7 მაისს დასრულდება.

alt არველაძემ ბრწყინვალე სტილში გაიტანა - კაკასა და კარლოსის წინააღმდეგ [VIDEO]