დღეს, 28 ივლისს, ბათუმში გასამართი შეხვედრისთვის ყველა ბილეთი დიდი ხნით ადრე გაიყიდა, თუმცა ადგილობრივმა "დინამომ" პოლონეთში "ლეხთან" ისე (0:5) წააგო, განმეორებით მატჩს ინტრიგა დაუკარგა. ბათუმელი გულშემატკივრები, რომლებიც სტადიონზე ბრწყინვალე განწყობასა და გარემოს ქმნიან, დღეს დემორალიზებულ გუნდს არ იმსახურებენ - გეგუჩაძის ფეხბურთელებმა ყველაფერი უნდა გააკეთონ, ღირსეული თამაში აჩვენონ.ნამდვილად გვეგონა, რომ ბათუმური კლუბი კონფერენს ლიგაზე მაინც მაქსიმალურად შორს გავიდოდა. ლიეტუვის "ჟალგირისისა" თუ სომხური "პიუნიკის" საჩემპიონთალიგო წარმატებები კიდევ ერთხელ გვაფიქრებინებს, რომ თითქოს შეუძლებელი არაფერია, ჩვენი საკლუბო ფეხბურთი კი ისევ ვერ გადის საერთაშორისო
მოგეხსენებათ, ლაზარე კუპატაძემ გუნდი (ორმხრივი შეთანხმებით) დატოვა. შესაბამისად, ბათუმელთა კარს მიხეილ ალავიძე დაიცავს. შემადგენლობაში გარკვეულ როტაციას ველით. სასტარტოში ის ფეხბურთელები უნდა გამოჩნდნენ, აქამდე ცოტა შანსი რომ ეძლეოდათ - გიორგი რეხვიაშვილი, მილან რადინი, გუგა ფალავანდიშვილი, გიორგი ფანცულაია...
შეხვედრა 21:00 საათზე დაიწყება და მას "აჭარის ტელევიზიაზე" იხილავთ.
"საბურთალო" რთული გამოწვევის პირისპირ
თბილისელები პორველ მატჩში სწრაფად და ორგანიზებულად უტევდნენ და შანსები ახლაც ექნებათ. მით უმეტეს, რუმინელები აქტიურ იერიშებზე გადმოვლენ და საკუთარ საჯარიმოსთან სივრცეებს დატოვებენ. "საბურთალოს" ენერგიული ფლანგელები ჰყავს - გიორგი გოჩოლეიშვილმა და გიორგი ჯინჯოლავამ პირველ შეხვედრაში მეტოქეს ბევრი პრობლემა შეუქმნეს, ისევე, როგორც შუახაზელმა ლევან ნონიკაშვილმა.
"სტიაუა" (FCSB რომლის სამართალმემკვიდრეცაა) უეფას ჩემპიონთა ლიგის (მაშინდელი თასი) გამარჯვებულია (1985-86 წლები), სადაც "ბარსელონა" დაამარცხა. იმავე წელს ევროპის სუპერთასი "კარპატელი მარადონა" გეორგი ჰაჯის გოლით მოიპოვა. მაშინ რუმინეთს დიქტატორი ნიკოლაე ჩაუშესკუ მართავდა, რომელიც "სტიაუას" წარმატებისთვის ყველაფერს აკეთებდა.
რუმინელებს ახალი მთავარი მწვრთნელი ჰყავთ. თბილისში წაგებამ კლუბის ხელმძღვანელობა ძალიან გააბრაზა. ნიკოლაე დიკა ამ გუნდში ადრეც მუშაობდა. კიდევ ერთი ცვლილება კაპიტან ფლორიან ტანასეს გუნდიდან წასვლას უკავშირდება.
შეხვედრა 21:30 საათზე დაიწყება და პირდაპირ რეპორტაჟს "სილქ უნივერსალი" შემოგვთავაზებს.
ლაშა ნოზაძე: ფავორიტი მეტოქეა - შემდეგ ეტაპზე გასვლას ვაპირებთ
"სტიაუას" მწვრთნელი გადადგა - "საბურთალოს" განადგურებით ემუქრებიან
ბათუმი ამას არ იმსახურებდა - როგორ გაგრძელდება ფეხბურთი საქართველოში?
![ეროვნული ლიგა. XXXII ტური. "ტორპედო" - "დინამო" (ბთ) [LIVE]](/pictures/image7/35ca7b0ee15305d4b455c21328380b04.png "ეროვნული ლიგა. XXXII ტური. \"ტორპედო\" - \"დინამო\" (ბთ) [LIVE]")
![ეროვნული ლიგა. XXXI ტური. "დინამო" (ბთ) - "თელავი" [LIVE]](/pictures/image7/657764ee57ee032da5797e3c77c7848c.png "ეროვნული ლიგა. XXXI ტური. \"დინამო\" (ბთ) - \"თელავი\" [LIVE]")
