"მის შეჩერებას სწორედ ასე ვეცდებით" - რა თქვა ნორვეგიის ნაკრების მცველმა კვარაცხელიაზე

ხვალ, 12 სექტემბერს, თბილისის დროით 22:45 საათზე, ევროპის ჩემპიონატის საკვალიფიკაციო ეტაპის მატჩში საქართველო ნორვეგიას ესტუმრება.

ნორვეგიის ნაკრებისა და "დორტმუნდის" მცველმა იულიან რიერსონმა ადგილობრივ მედიასთან მოახლოებული შეხვედრის შესახებ ისაუბრა და კომენტარი ხვიჩა კვარაცხელიაზეც გააკეთა. მისი თქმით, მნიშვნელოვანია, რომ გუნდმა თავი კოლექტიურად დაიცვას.

"თამაშამდე მცირე ტრავმა მივიღე, რეაბილიტაციის პროცესი კარგად მიმდინარეობს და იმედი მაქვს, საქართველოს ნაკრებთან მატჩამდე გამოჯანმრთელებას მოვასწრებ.

მიუხედავად იმისა, რომ ჩვენი მეტოქე ესპანეთთან დიდი ანგარიშით დამარცხდა, მიმაჩნია, რომ საკმაოდ ძლიერები არიან. თუ მატჩში მონაწილეობ

ის მიღებას მოვახერხებ, ხვიჩა კვარაცხელიას მეურვეობა მომიწევს. ის ძალიან ძლიერი მოთამაშეა. ხვიჩას "კვარადონა" შეარქვეს, რაც ჩემს სიტყვებს ადასტურებს. მნიშვნელოვანია, რომ მის წინააღმდეგ თავი კოლექტიურად დავიცვათ, მეტოქის ძლიერ ინდივიდუალისტ ფეხბურთელებს სწორედ ასე შევაჩერებთ", - განაცხადა რიერსონმა.

alt საქართველოს ნაკრები ოსლოში ჩავიდა