აჭარულმა გუნდმა გასვლაზე 1:3 წაგების შემდეგ, სახლში თავიდანვე აქტიურად შეუტია და მამუჩაშვილმა მცველისგან რიკოშეტით პადტის კარი დალაშქრა. მერე მამუჩაშვილის 100%-იანი გოლი ხორვატმა მსაჯმა დარიო ბელმა რატომღაც არ ჩათვალა. ბათუმელებმა ზეწოლა გააგრძელეს. ღუდუშაურმა მეკარისთვის ბურთის თავზე გადაგდება სცადა და ოდნავ ააცილა მიზანს. ცოტა ხანში კი ბლესას დარტყმული ბურთი მეკარისგან ძელს მოხვდა. აქედან მოყოლებული, თამაში გათანაბრდა და სტუმრებს კარგი შანსი მიეცათ, როდესაც მათი თავდამსხმელის, ტაკპეტეის დარტყმული ბურთი ხარიხას მოხვდა.
მეორე ტაიმში თამაში ორმხრივი იერიშებით მიმდინარეობდა. ღუდუშაურს გატანა მეკარემ არ დაანება. ბულგარული გუნდის ფეხბურთელები უხეშობას არ ერიდებოდნენ, რამდენიმე ყვითელი ბარათი მიიღეს და პაუზებით ტემპს აგდებდნენ. 87-ე წუთზე გომისის დარტყმული ბურთი ძელს მოხვდა, ბოლოს ხარაბაძეს და გომისს პადტმა არ გაატანინა და დაპირისპირება 1:0 დასრულდა.
დემჩენკოს გუნდი ასპარეზობას კონფერენს ლიგაზე გააგრძელებს და მონტენეგროს "დეჩიჩს" შეხვდება - 25 ივლისს სახლში, ხოლო 1-ელ აგვისტოს სტუმრად.
ბათუმი. „აჭარაბეთ არენა“
დინამო (ბთ) - ლუდოგორეცი 1:0
გოლი: მამუჩაშვილი (3)
დინამო (ბთ): სილვა, ჩიტეიშვილი (მალი 46), კობახიძე, ხარაბაძე, სილვა, სანტოსი, ვიქტორი (მარა 63), მამუჩაშვილი, ღუდუშაური (ფაჩულია 90), გომისი, ბლესა (ტამბედუ 72)
ბათუმის "დინამო" "ლუდოგორეცთან" 1:3 დამარცხდა [VIDEO]
![ეროვნული ლიგა. XXXIII ტური. "დინამო" (ბთ) - "იბერია 1999" [LIVE]](/pictures/image7/566f2159137b5e3373818ab6b88ce22e.png "ეროვნული ლიგა. XXXIII ტური. \"დინამო\" (ბთ) - \"იბერია 1999\" [LIVE]")
![ეროვნული ლიგა. XXXII ტური. "ტორპედო" - "დინამო" (ბთ) [LIVE]](/pictures/image7/35ca7b0ee15305d4b455c21328380b04.png "ეროვნული ლიგა. XXXII ტური. \"ტორპედო\" - \"დინამო\" (ბთ) [LIVE]")
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
