"ევერტონის" ხელმძღვანელობა გაძლიერებაზე ფიქრს კვლავ განაგრძობს. ამჯერად ლივერპულური კლუბის სამიზნე მიუნხენის "ბაიერნის" მცველი ხუან ბერნატია. "კანფეტებმა" მიმდინარე სატრანსფერო ფანჯარაზე ჩენკ ტოსუნისა და ტეო უოლკოტის სახით შევსება უკვე მიიღეს, რაც 50 მილიონი ფუნტი დაუჯდათ.
გერმანულ პრესაში გავრცელებული ცნობით კი, "ევერტონმა" "ბაიერნს" ბერნატის ტრანსფერთან დაკავშირებით უკვე მიმართა.
თავის მხრივ, კლუბის შეცვლის წინააღმდეგი არც ფეხბურთელი უნდა იყოს, რადგან მიმდინარე სეზონში მოედანზე გასვლის შესაძლებლობა მხოლოდ ორ შეხვედრაში მიეცა.
