ჩემპიონთა ლიგაზე "მანჩესტერ იუნაიტედთან" მატჩში 18 წლის მილე სვილარის კარში ჩაყენება ძვირად დაუჯდა ლისაბონის "ბენფიკას" მწვრთნელს რუი ვიტორიას, რადგან სწორედ ამ ყმაწვილის უპატიებელი შეცდომის გამო დამარცხდნენ 0:1-ზე. თუმცა, რუიმ თქვა, რომ მილესა და კიდევ სამ ახალგაზრდას მორიგ მატჩებშიც მისცემს თავის გამოჩენის შესაძლებლობას.
სვილარის ასპარეზობა "მანიუს" მენეჯერმა ჟოზე მოურინიომ შეაფასა:"ვიცოდი, რა კარგი კიპერი ყავთ "არწივებს" და შეხვედრის წინ ეს ჩემს ბიჭებს ვუთხარი. თუმცა, გამოუცდელია და შეგირდებს დავალება მივეცი მისთვის სტანდარტულებისას პრობლემები შეექმნათ. მილეს ძალიან რისკიანი თამაში ახასიათებს. ჩემი გათვლა სწორი გამოდგა".
