14 თებერვალს, ჩემპიონთა ლიგის პირველ 1/8-ფინალურ მატჩში "ტოტენჰემმა" სახლში 3:0 მოუგო "დორტმუნდს".
ამ შეხვედრისადმი და საერთოდ, ინგლისელებთან დაპირისპირებისადმი (მერვედფინალში ერთმანეთს აგრეთვე ლივერპული-ბაიერნი და შალკე-მანჩესტერ სიტი ხვდებიან) ინტერესი იმდენად დიდია, რომ გერმანიის საგარეო საქმეთა სამინისტრო გამოეხმაურა:"ძალიან გვწყდება გული, რომ ევროკავშირი უნდა დასტოვოთ, მაგრამ თქვენს ამ ტურნირიდან გამოვარდნას მივესალმებით".
პირველ ტაიმში ჩაკეტილი ფეხბურთი იყო, მეორე ტაიმის დასაწყისში კი ჩინებულ ფორმაში მყოფმა სონმა ვერტონგენის პასით ახლო მანძილიდან დალაშქრა ბიურკის კარი. უნდა აღინიშნოს, რომ სონს გამწარებული ჰყავს "დორტმუნდი" - 11 მატჩში 9 გოლი გაუტანა. შეგახსენებთ, ის ადრე "ჰამბურგსა" და "ბაიერში" თამაშობდა.
შეხვედრის დასასრულს "დეზებმა" დაწოლა გააძლიერეს, ჯერ ვერტონგენმა გაიტანა გოლი, შემდეგ კი ლორენტემ, რომელიც შეცვლაზე გოლის გატანამდე 1 წუთით ადრე შევიდა.
ამ გუნდბის განმეორებითი შეხვედრა 6 მარტს "სიგნალ იდუნა პარკზე გაიმართება.
"დორტმუნდმა" ყველა ტურნირზე ზედიზედ 3 მატჩში გაუშვა 3-3 გოლი, რაც უკანასკნელად 9 წლის წინ მოხდა.
"ტოტენჰემი" პირველი ინგლისური გუნდია, რომელმაც უკანასკნელი 8 წლის მანძილზე გერმანულ გუნდს პლეი-ოფში მოუგო.
ლონდონი. "უემბლი".71 214 მაყურებელი
ტოტენჰემი - დორტმუნდი 3:0
გოლები: 1:0 სონი (47), 2:0 ვერტონგენი (83), 3:0 ლორენტე (86)
ტოტენჰემი: ლორისი, ორე, ალდერვეირელდი, სანჩესი, ფოიტი, ვერტონგენი, ვინკსი, სისოკო (ვანიამა 90+1), ერიკსენი, ლუკას მოურა (ლორენტე 85), სონი (ლამელა 89)
დორტმუნდი: ბიურკი, ჰაკიმი, ზაგადუ (შმელცერი 77), ტოპრაკი, დიალო, ვიტსელი, დაჰუდი, დელეინი, სანჩო (პულიშიჩი 88), გიოტცე, პულიშიჩი
![ჩემპიონთა ლიგა. 1/4-ფინალი: დიდი ქამბექების საღამო - პსჟ და "დორტმუნდი" ნახევარფინალში გავიდნენ [VIDEO]](/pictures/image7/54ea9c43eaadd6e3922cacc1047f9535.jpg "ჩემპიონთა ლიგა. 1/4-ფინალი: დიდი ქამბექების საღამო - პსჟ და \"დორტმუნდი\" ნახევარფინალში გავიდნენ [VIDEO]")
![ჩემპიონთა ლიგა. 1/4-ფინალი: "ბარსამ", რომელსაც Puta უძახეს, პსჟ-ს მოუგო - "ატლეტიკომ" "დორტმუნდს" სძლია [VIDEO]](/pictures/image7/a6b0aea8db1590dd4ee5888757d08eb1.jpg "ჩემპიონთა ლიგა. 1/4-ფინალი: \"ბარსამ\", რომელსაც Puta უძახეს, პსჟ-ს მოუგო - \"ატლეტიკომ\" \"დორტმუნდს\" სძლია [VIDEO]")
![ჩემპიონთა ლიგა. 1/8-ფინალი: დრამა მადრიდში - ყველა მეოთხედფინალისტი გაირკვა [VIDEO]](/pictures/image7/9a2d68306d5b6a671b2cfba2f3a0d8a9.jpg "ჩემპიონთა ლიგა. 1/8-ფინალი: დრამა მადრიდში - ყველა მეოთხედფინალისტი გაირკვა [VIDEO]")
![ჩემპიონთა ლიგა. 1/8-ფინალი: "ინტერმა" "ატლეტიკოს" მოუგო - პსვ და "დორტმუნდი" დაზავდნენ [VIDEO]](/pictures/image7/59c98222d9ac23e31619a45999627766.jpeg "ჩემპიონთა ლიგა. 1/8-ფინალი: \"ინტერმა\" \"ატლეტიკოს\" მოუგო - პსვ და \"დორტმუნდი\" დაზავდნენ [VIDEO]")
![ჩემპიონთა ლიგა. VI ტური: პსჟ-ც გავიდა - 18 დეკემბერს პლეი-ოფის წილისყრაა [VIDEO]](/pictures/image7/9164ca2cee5f1d9ea97e72991022b664.jpeg "ჩემპიონთა ლიგა. VI ტური: პსჟ-ც გავიდა - 18 დეკემბერს პლეი-ოფის წილისყრაა [VIDEO]")
![ჩემპიონთა ლიგა. V ტური: პლეი-ოფის კიდევ ოთხი მონაწილე გაირკვა - მბაპემ პსჟ მარცხისგან 90+8-ე წუთზე იხსნა [VIDEO]](/pictures/image7/b3c7aa93a987e05ca6a31079998c9123.jpg "ჩემპიონთა ლიგა. V ტური: პლეი-ოფის კიდევ ოთხი მონაწილე გაირკვა - მბაპემ პსჟ მარცხისგან 90+8-ე წუთზე იხსნა [VIDEO]")
