ფილიპე კოუტინიოს განცხადებით, "ბარსელონა"-"ლივერპული" ჩემპიონთა ლიგის იდეალური ფინალი იქნებოდა, მაგრამ სამწუხაროდ, კენჭისყრის შედეგად ეს შეუძლებელია.
ბრაზილიელი ინგლისში ოთხშაბათს, 10 აპრილს დაბრუნდება და "მანჩესტერ იუნაიტედის" წინააღმდეგ ითამაშებს, ერთი დღით ადრე კი მისი ყოფილი გუნდი "პორტუს" დაუპირისპირდება.
ამ ორ წყვილში გამარჯვებული ნახევარფინალში ერთმანეთს შეხვდება და განაგრძობს გზას მადრიდში გასამართი ფინალისკენ.
შესაბამისად, არსებობს შანსი, რომ 142 მილიონად ნაყიდი კოუტინიო და ლუის სუარესი "ენფილდზე" ნახევარფინალურ შეხვედრაში დაბრუნდნენ.
თუმცა კოუტინიო აღნიშნავს, რომ უმჯობესი იქნებოდა, ყოფილ თანაგუნდელებს ფინალში შეხვედროდა.
"ვნახოთ, რა იქნება, წინ მნიშვნელოვანი შეხვედრა გველის
"მანჩესტერთან".
მოხარული ვარ, რომ "ლივერპული" წარმატებით ასპარეზობს ჩემპიონთა ლიგაზე, ისევე, როგორც ჩვენ. კლოპი შესანიშნავი მწვრთნელია და "ლივერპულის" ამ დონეზე აყვანა მხოლოდ დროის საკითხი იყო", - განაცხადა ბრაზილიელმა.
ჩემპიონთა ლიგა მეოთხედფინალური ეტაპით და განახლებული დროით ბრუნდება
ფილიპე კოუტინიომ პრემიერლიგაში დაბრუნება გამორიცხა
"ბარსელონას" ახალი შვიდიანი ჰყავს - ფილიპე კოუტინიომ ნომერი შეიცვალა
მომზადებულია Mirror-ის მიხედვით
