ჩიუნიეთ ჩაქირი: გავა დრო და მსოფლიო მიხვდება, რომ მართალი ვიყავი
17 აპრილს მანჩესტერ სიტისა და ტოტენჰემს შორის ჩემპიონთა ლიგის მეოთხედფინალური დაპირისპირების განმეორებითი შეხვედრა გაიმართება. შეგახსენებთ, რომ ორმატჩიანი დაპირსპირების პირველი შეხვედრა ლონდონელთა გამარჯვებით, ანგარიშით 1:0 დასრულდა.
UEFA-მ ოფიციალურად დაადასტურა, რომ აღნიშნულ დაპირისპირებას ჯუნეთ ჩაქირის მეთაურობით თურქ მსაჯთა ბრიგადა განსჯის. ამ შეხვედრაში მას ორი თანამემამულე - ბაჰატინ დურანი და ტარიკ ონგუნი დაეხმარებიან. მეოთხე რეფერის როლს პორტუგალიელი მსაჯი, არტურ დიაში შეასრულებს. ვიდეოდახმარებას მათ გაუწევენ იტალიელი სპეციალისტები - მასიმილიანო ირატი და მარკო გუიდა.
ჩაქირი ერთ-ერთი ყველაზე გამორჩეული და ცნობილი მსაჯია. შეგახსენებთ, რომ სწორედ ჩაქირიმ გააგდო ნანი მინდვრიდან შოტლანდიელი ლეგენდის ბოლო მატჩში ჩემპიონთა ლიგაზე.
რაც შეეხება სხვა მეოთხედფინალურ დაპირისპირებას, რომელიც ამავე დღეს გაიმართება (საუბარია ლივერპულისა და პორტუს შეხვედრაზე), მას განსჯიან ჰოლანდიელი მსაჯები - დანი მაკელი, მარიო დიქსი და ჰესელ სტეგსტრა, მათ დაეხმარება ბერძენი რეფერი, ტასოს სიდიროპულოსი. აღნიშნულ მსაჯთა ბრიგადას ვიდეოასისტირებას ასევე ჰოლანდიელები - პოლ ვან ბუკელი და იოჰემ კამპჰუისი გაუწევენ.
![ჩემპიონთა ლიგა. VI ტური: "ბარსელონა" წინ მიიწევს - "სიტის" ვარდნა გრძელდება [VIDEO]](/pictures/image7/c8e7d601e4694196b77c5c02b5cb7d29.jpg "ჩემპიონთა ლიგა. VI ტური: \"ბარსელონა\" წინ მიიწევს - \"სიტის\" ვარდნა გრძელდება [VIDEO]")
