ერლინ ჰოლანი ჩემპიონთა ლიგის ისტორიის წერას აგრძელებს

AutoSharing Option
"ზალცბურგის" 19 წლის თავდამსხმელი ერლინ ჰოლანი "ნაპოლის" კარში გატანილი გოლით გახდა ყველაზე მეტი გოლის ავტორი თინეიჯერი ჩემპიონთა ლიგაში.

ახალგაზრდა ნორვეგიელი შტორმივით მოევლინა ევროპულ კლუბებს წლევანდელ სეზონში და ჩემპიონთა ლიგაში უკვე 7 გოლი მოუგროვდა. ბოლო სწორედ 5 ნოემბერს იყო, როცა მე-11 წუთზე "სან პაოლოს" პუბლიკა პენალტის ნიშნულიდან გატანილი გოლით დაამწუხრა.

7 გოლით ჰოლანმა რაულსა და მბაპეს გაასწრო, რომლებმაც თინეიჯერობის ასაკში თავიანთი გუნდების შემადგენლობაში ჩემპიონთა ლიგაში 6-6 გოლი გაიტანეს.

ჰოლანი ისტორიაში მე-4 ფეხბურთელია, რომელმაც ჩემპიონთა ლიგის პირველ 4-ვე შეხვედრაში გაიტანა გოლი. აქამდე
იგივე შედეგი ზე კარლოსს, დელ პიეროსა და დიეგო კოშტას ჰქონდათ. თუმცა, თავისი 7 გოლით, ის ყველა დანარჩენს მინიმუმ 2 გოლით უსწრებს.

ჰოლანი ავსტრიის ჩემპიონატშიც მშვენივრად გამოდის და 13 ტურის შემდეგ 12 გოლი გაიტანა და 4 საგოლე გადაცემა გააკეთა.

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული