კატალონიური "ბარსელონას" ყოფილი ნახევარმცველი ხავი ერნანდესმა, რომელიც ამჟამად "ალ სადს" წვრთნის, ჩემპიონთა ლიგაზე "ბლაუგრანას" გამოსვლას შეეხო. "ჩემპიონთა ლიგაზე ძნელია "ბარსას" ფავორიტად ჩათვლა. ამ ტურნირზე გუნდი მაშინ იმარჯვებდა, როცა მნიშვნელოვნად აღემატებოდა მოწინააღმდეგეებს. კლუბი ვერ დაიკვეხნის ისტორიული გამართლებით, რომელიც "ზოგ-ზოგიერთ" კლუბს ახასიათებს.
დიახ, მე "რეალის" შესახებ ვამბობ. სხვა გუნდების შემთხვევაშიც მომხდარა ასე. იგივე, "ბარსელონას" 2009 წელს ძალიან გაუმართლა "ჩელსისთან" შეხვედრაში, როცა ინიესტამ მაშინ გაიტანა, როცა უმცირესობაში ვიყავით და კარისკენ დარტყმასაც ვერ ვახერხებდით. ეს გამართლებაა.
თუმცა მე უფრო, იცით, რას ვგულისხმობ? "ლა ლიგაში"
მე-4, მე-5 ან მე-6 ადგილი რომ დაიკავო და ამის პარალელურად, ჩემპიონთა ლიგა მოიგო. "ბარსელონას" შემთხვევაში ასეთი რამ არ მომხდარა, "რეალთან" დაკავშირებით - კი. სწორედ ამიტომ ვლაპარაკობ იღბალზე.
"ბარსელონა" უნდა დომინირებდეს და საკუთარი ძალებისა უნდა ირწმუნოს. ისტორია გვიჩვენებს, რომ ისინი მაშინ იმარჯვებენ, როცა მეტოქეებზე ორი თავით მაღლა დგანან", - განაცხადა ხავიმ.
მომზადებული El Mundo-ს მიხედვით
![alt](/pictures/image50/ac26afb20c828f1227eae03ee22c2c84.jpg "ხავი: "ზოგ-ზოგიერთ" გუნდებს ჩემპიონთა ლიგაზე ისტორიულად უმართლებდა")
ხავი: ისტორიაში რონალდინიოზე უკეთესი ფეხბურთელი მხოლოდ ერთია...![alt](/pictures/image50/d73c9784cedd34d0ddfde0063049d5a7.jpg "ხავი: "ზოგ-ზოგიერთ" გუნდებს ჩემპიონთა ლიგაზე ისტორიულად უმართლებდა")
ხავიმ და მისმა მეუღლემ ბარსელონას საავადმყოფოს 1 მილიონი შესწირეს
