22 თებერვალს ჩემპიონთა ლიგის ორი პირველი მერვედფინალური მატჩი გაიმართა.
„ჩელსიმ“ საკუთარ მოედანზე „ლილს“ 2:0 სძლია და ყველა ტურნირზე ზედიზედ 6 გამარჯვება საერთო ანგარიშით 10:2 მოიპოვა.
„იუვენტუსმა“ გასვლაზე „ვილიარეალი“ ვერ დაამარცხა - 1:1. სტუმრები ტურნირზე თავიანთ სადებიუტო მატჩში 32-ე წამზე ვლაჰოვიჩმა დააწინაურა, რომელმაც „იუვეში“ 5 შეხვედრაში 2 გოლი გაიტანა. 66-ე წუთზე პარეხომ ანგარიში გაათანაბრა.
ლონდონი. „სტემფორდ ბრიჯი“
ჩელსი - ლილი 2:0
გოლები: 1:0 ჰავერცი (8), 2:0 პულიშიჩი (63)
ვილიარეალი. „სერამიკა“
ვილიარეალი - იუვენტუსი 1:1
გოლები: 0:1 ვლაჰოვიჩი (1), 1:1 პარეხო (66)
- "იუვენტუსი" ზედიზედ 5 წელია ვერ იგებს პირველ მერვედფინალურ შეხვედრას.
- "იუვემ" ყველა ტურნირზე ბოლო 3 მატჩი ერთნაირი ანგარიშით, 1:1 დაასრულა.
- ვლაჰოვიჩის გოლი დებიუტანტებს შორის კონოპლიანკას შემდეგ ყველაზე ადრეულია.
- "ჩელსის" მწვრთნელმა ტუხელმა თავდამსხმელი ლუკაკუ სათადარიგოთა შორის დატოვა, რადგან წინა მატჩი უხეიროდ ჩაატარა.
- "არისტოკრატების" მეკარე მენდიმ ტურნირზე 18 შეხვედრიდან 14-ში კარი მშრალად შეინახა.
ამ გუნდების საპასუხო მატჩები 17 მარტს ჩატარდება.
![alt](/pictures/image50/246942dfe4fa4a53ab8198f4db82e992.jpg "ჩემპიონთა ლიგა. 1/8-ფინალი: ვლაჰოვიჩის სადებიუტო გოლი 32-ე წამზე - "ჩელსის" ზედიზედ მეექვსე გამარჯვება")
[PREVIEW] "იუვენტუსი" ესპანეთში დანაკლისით ჩადის - ჩემპიონთა ლიგა ბრუნდება
