ჩემპიონთა ლიგის პირველ ტურში "ნაპოლიმ" "ლივერპულს" უმასპინძლა და 4:1 დაამარცხა.
აღსანიშნავია, რომ 44-წუთზე ხვიჩა კვარაცხელიას მშვენიერ გადაცემას ჯოვანი სიმეონე გამოეხმაურა და ლიგაზე პირველი გოლიც გაიტანა. კარის ბადის შერხევის შემდეგ არგენტინელი ფეხბურთელი მოედნის კიდისკენ გაიქცა, დაწვა და ის ემოცია შეიგრძნო, რაც ალბათ უმეტესობას ოცნებად აქვს.
თურმე "ალბისელესტელს" ბავშვობაში ჩემპიონთა ლიგის ტატუ დაუხატავს და მაშინ გადაუწყვეტია, რომ როცა გოლს გაიტანდა, ტატუს აკოცებდა:
"მამაჩემს არ სურდა ასე მოვქცეულიყავი, დედაჩემიც წინააღმდეგი იყო. მათ ვუთხარი, რომ როდესაც ჩემპიონთა ლიგაზე პირველად გოლს გავიტანდი, ტატუს აუცილებლად ვაკოცებდი. მაშინ მხოლოდ 13 წლის ვიყავი და მხოლოდ ამაზე ვოცნებობდი" - განაცხადა სიმეონემ.
ასეთ დროს ორმაგად სასიხარულოა, რომ ასისტი ხვიჩამ გააკეთა.
ლინეკერი: კვარაცხელიას წინააღმდეგ თამაში ისევე რთულია, როგორც მისი გვარის წარმოთქმა 
ხვიჩას დიდებული საგოლე პასი - "ნაპოლი" "ლივერპულს" 3:0-ით ამარცხებს [VIDEO]
