ჩემპიონთა ლიგა. VII ტური: "ბარსელონას" ფანტასტიკური ქამბექი ლისაბონში - "ლივერპულმა" ისევ მოიგო [VIDEO]

ჩემპიონთა ლიგის მეშვიდე ტურის პირველი სათამაშო დღის კიდევ შვიდი მატჩი გაიმართა.

„ბარსელონამ“ საოცარ შეხვედრაში გასვლაზე „ბენფიკა“ 5:4 დაამარცხა. ლისაბონელთა ბერძენმა თავდამსხმელმა ევანგელოს პავლიდისმა ჰეთ-თრიკი შეასრულა, სტუმართა ფორვარდმა რობერტ ლევანდოვსკიმ კი პენალტით - დუბლი. პოლონელის ანგარიშზე ჩემპიონთა ლიგაზე 103 გოლია და მხოლოდ რონალდოს და ლეო მესის ჩამორჩება.

„ბარსამ“ ტურნირზე ზედიზედ ექვსი გამარჯვება 2014-2015 წლების სეზონის შემდეგ პირველად მოიპოვა, 18 ქულით მეორე ადგილზეა და 1/8-ფინალის საგზური ვადამდე გაინაღდა.

„ლივერპულმა“ შინ „ლილს“ 2:1 სძლია, შვიდივე მატჩი მოიგო და მერვედფინალში გავიდა. მოჰამედ სალაჰმა ტურნირზე 47-ე გოლი გაიტანა.

„ატლეტიკომ“ სახლში „ბაიერს“ თამაში შემოუტრიალა, 2:1 მოუგო და 15 ქულით მესამე პოზიციაზეა. მადრიდელთა თავდამსხმელმა ხულიან ალვარესმა ორი გოლი გაიტანა - გადამწყვეტი 90-ე წუთზე.


მადრიდი. „ვანდა მეტროპოლიტანო“
ატლეტიკო - ბაიერი 2:1
გოლები: 0:1 ინკაპიე (45+1), 1:1 ალვარესი (52), 2:1 ალვარესი (90)
გაძევება: ბარიოსი (25, ატლეტიკო), ინკაპიე (76, ბაიერი)

ლისაბონი. „და ლუში“
ბენფიკა - ბარსელონა 4:5
გოლები: 1:0 პავლიდისი (2), 1:1 ლევანდოვსკი (13, პენ), 2:1 პავლიდისი (22), 3:1 პავლიდისი (30, პენ), 3:2 რაფინია (64), 4:2 არაუხო (68, საკ. კარში), 4:3 ლევანდოვსკი (78, პენ), 4:4 ერიკ გარსია (86), 4:5 რაფინია (90+6)

ბოლონია. „რენატო დალ’არა“
ბოლონია - დორტმუნდი 2:1
გოლები: 0:1 გირასი (15, პენ), 1:1 დალინგა (71), 2:1 ილინგ-ჟუნიორი (72)

ბრიუგე. „იან ბრეიდელი“
ბრიუგე - იუვენტუსი 0:0

ბელგრადი. „რაიკო მიტიჩი“
ცრვენა ზვეზდა - პსვ 2:3
გოლები: 0:1 დე იონგი (17), 0:2 ტილი (23), 0:3 ფლამინგო (43), 1:3 ნდიაე (71), 2:3 ჯიგა (77)
გაძევება: ფლამინგო (50, პსვ)

ლივერპული. „ენფილდი“
ლივერპული - ლილი 2:1
გოლები: 1:0 სალაჰი (34), 1:1 დევიდი (62), 2:1 ელიოტი (67)
გაძევება: მანდი (59, ლილი)

ბრატისლავა. „ტეჰელნე პოლე“
სლოვანი - შტუტგარტი 1:3

ჩემპიონთა ლიგა. VII ტური: კიტეიშვილის "შტურმი" "ატალანტასთან" განადგურდა