23 თებერვალს, ლა ლიგას 25-ე ტურში "ბარსელონამ" სტუმრად "სევილიას" 4:2 მოუგო.
ჰეთ-თრიკი "ბარსას" თავდამსხმელმა ლეო მესიმ შეასრულა და მან კომპენსირებულ დროში ლუის სუარესს საგოლე გადაცემა გაუკეთა.
მესიმ 50-ე ჰეთ-თრიკი შეასრულა (რონალდოს ანგარიშზე 51 ჰეთ-თრიკია). მან "სევილიას" ჯამში 28 გოლი გაუტანა და ერთი ფეხბურთელის მიერ ერთი გუნდის კარში გატანილი გოლების მაჩვენებლით პრიმერას რეკორდი დაამყარა. ისე, კი ამ ანდალუსიური გუნდის კარი ყველა ტურნირზე 35 მატჩში 36-ჯერ დალაშქრა.
ბლაუგრანას ფორვარდმა ლუის სუარესმა ხუთმატჩიანი უგოლო სერია შეწყვიტა.
"ბარსელონა" 57 ქულით პირველ ადგილზეა და უახლოეს მდევარს, "ატლეტიკოს" 10 ქულით უსწრებს, რომელიც ამ ტურის შეხვედრას ხვალ "ვილიარეალთან" ჩაატარებს.
ხვალვე "რეალი" სტუმრად "ლევანტეს" შეხვდება.
სევილია. "სანჩეს პისხუანი". 40 661 მაყურებელი
სევილია - ბარსელონა 2:4
გოლები: 1:0 ნავასი (22), 1:1 მესი (26), 2:1 მერკადო (42), 2:2 მესი (67), 2:3 მესი (85), 2:4 სუარესი (90+3)
![alt](/pictures/image50/d318882373f983144556521fc7121894.jpg "ლეო მესის ჰეთ-თრიკით და საგოლე გადაცემით "ბარსელონამ" "სევილიას" მოუგო [VIDEO]")
ერნესტო ვალვერდე: კარგი ფეხბურთელები ბევრს ჰყავს - ჩვენ საუკეთესო გვყავს!![alt](/pictures/image50/e14d7dca0324c06dcd104c5460c15583.jpg "ლეო მესის ჰეთ-თრიკით და საგოლე გადაცემით "ბარსელონამ" "სევილიას" მოუგო [VIDEO]")
ვისამ ბენ იედერი: უცხოპლენეტელმა ლეო მესიმ მატჩის ბედი გადაწყვიტა
