"ბარსელონას" თავდამსხმელი ლეო მესი ნამატჩევს არავის არ სთხოვს მაისურას გაცვლას, მას კი ამისათვის სისტემატურად მიმართავენ. გასულ უქმეებზე მესიმ "ესპანიოლს" დუბლი შეუსრულა და მაისურა მეტოქე გუნდის 20 წლის მცველმა ადრია პედროსამ გაუცვალა.
ეს კი "ესპანიოლის" ფანებს არ მოეწონათ და სოციალურ ქსელში ნაბიჭვარი, განავალი და იუდა უწოდეს, ზოგიერთმა კი მშობლიური გუნდის დატოვება მოსთხოვა.
ამ ორ კლუბს შორის მუდამ დიდი დაპირისპირებაა, "ბარსელონას" გულშემატკივრები თვლიან, რომ "ესპანიოლი" მათი ქალაქის კი არა გარეუბნის გუნდია. "ბარსას" მცველმა ჟერარდ პიკემ ერთ-ერთ ტეალეარხზე, საღამოს შოუში, La Resistencia-ში თქვა,
რომ "ესპანიოლის" ბიუჯეტზე უფრო დიდი ხელფასი აქვს.
არც "ესპანიოლის" ქომაგები რჩებიან ვალში, თამაშებისას მღერიან, რომ პიკე თხაა, მისი მეუღლე შაკირა კი კუდიანია, ხოლო გასულ სეზონში ბანერი გამოფინეს:"შაკირა ყველასათვის".
![alt](/pictures/image50/9f7728be0f07e2fff4f6c77df06191ea.jpg "იმის გამო, რომ ლეო მესის მაისური გაუცვალა, "ესპანიოლის" ფეხბურთელს ფანებმა ნაბიჭვარი და იუდა უწოდეს")
"ბარსელონამ" "ესპანიოლი" ლეო მესის დუბლით დაამარცხა - მას ზედიზედ მეცხრე სეზონში გააქვს 40+ გოლი [VIDEO]
![ლობჟანიძის მაგარი გოლები მესის გუნდთან - ქართველმა მაიამის "ინტერს" 8-მატჩიანი მოგებათა სერია დაუსრულა [VIDEO]](/pictures/image7/279691d396ec2bbb5d418e7dbd42cb39.jpg "ლობჟანიძის მაგარი გოლები მესის გუნდთან - ქართველმა მაიამის \"ინტერს\" 8-მატჩიანი მოგებათა სერია დაუსრულა [VIDEO]")
