მადრიდის "ატლეტიკომ" დიეგო გოდინის შემცვლელი შეიძინა

AutoSharing Option
ზაფხულის სატრანსფერო ფანჯრის დროს მადრიდის "ატლეტიკოს" ურუგვაელი მცველი დიეგო გოდინი კლუბს რომ დატოვებს, ამის შესახებ მან სპეციალურ პრესკონფერენციაზე თავად განაცხადა.

როგორც სხვადასხვა სააგენტო იტყობინება, მადრიდელებმა მისი შემცვლელი უკვე შეიძინეს - ეს "პორტუს" ცენტრალური მცველი, ბრაზილიელი ფელიპეა.

"ატლეტიკოს" აღნიშნული ტრანსფერი 20 მილიონი ევრო დაუჯდა.

ფელიპე 30 წლის ფეხბურთელია. გასულ სეზონში პორტუგალიის პრიმეირა ლიგაში 31 შეხვედრა გამართა, სადაც 1 გოლით და 2 საგოლე გადაცემით გამოირჩა.

გარდა ამისა, ფელიპემ "პორტუს" რიგებში შეუცვლელად ითამაშა ჩემპიონთა ლიგაზე გამართულ ათივე მატჩში.

მადრიდის "ატლეტიკო" ტრანსფერს ოფიციალურად უახლოეს
მომავალში დაადასტურებს.

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული