"ბარსელონა" ამ ზამთარს "ბეიცზინ გუოანის" თავდამსხმელ სედრიკ ბაკამბუს ტრანსფერით იყო დაინტერესებული და მისი შეძენა სუარესის ტრავმის გამო სურდა.
კონგოელი ფეხბურთელი კონტრაქტზე ხელის მოსაწერად უკვე ესპანეთში მიფრინავდა, მას შემდეგ, რაც "ბარსას" სპორტული დირექტორი ერიკ აბიდალი ფეხბურთელის აგენტსაც შეუთანხმდა და კლუბმაც ტრანსფერს მწვანე შუქი აუნთო.
ბაკამბუ ჰონგ-კონგში უნდა გადამჯდარიყო, სადაც სეულიდან მიფრინავდა აზიის ჩემპიონთა ლიგის მატჩის შემდეგ.
თუმცა თავდამსხმელი ბარსელონას რეისზე მაინც ვერ ავიდა, რადგან აბიდალმა შეატყობინა და უთხრა, რომ "ბარსამ" მასთან ხელშეკრულების გაფორმება გადაიფიქრა. საბოლოოდ, ფეხბურთელი თავის კლუბს დაუბრუნდა.
თავად ბაკამბუმ
აღნიშნული ინფორმაცია დაადასტურა და "ტვიტერზე" იხუმრა კიდეც:
"ჰეი, Transfermarkt, თუ შეიძლება ჩემი ტრანსფერების ისტორიაში ჩაწერეთ "თითქმის ბარსელონა"!
ყველაფერი, რაც ხდება, უკეთესობისკენ არის მიმართული. მადლობა ღმერთს ყველაფრისთვის. სხვა დროს შევხვდებით, ანტუან გრიზმან", - დაწერა ფეხბურთელმა.
უცნობია, კატალონიური კლუბის გადაწყვეტილება განპირობებულია თუ არა ჩინეთში არსებული კორონავირუსის ეპიდემიით, თუმცა რამდენიმე გამოცემამ მიზეზად სწორედ დაავადება გამოაცხადა.
მომზადებულია Catalunya Ràdio-ს მიხედვით
![alt](/pictures/image50/1e16be7f6db8f647f99b2c1671a3cccd.jpg ""ბარსელონამ" ფორვარდი თვითმფრინავიდან მოაბრუნა - მიზეზი კორონავირუსია?!")
"თითქმის "ბარსელონაში" - Transfermarkt-მა "ბარსას" მიერ უარყოფილ ფორვარდს თხოვნა შეუსრულა [PHOTO]![alt](/pictures/image50/267b8cf411f6ee5f9d391e936ac58459.jpg ""ბარსელონამ" ფორვარდი თვითმფრინავიდან მიაბრუნა - მიზეზი კორონავირუსია?!")
ფენომენალური მესის 500-იანები - "ბარსელონამ" "ლეგანესი" გაანადგურა [VIDEO]![alt](/pictures/image50/d8d5d9a35643788a1e57c1938b64fcf9.jpg ""ბარსელონამ" ფორვარდი თვითმფრინავიდან მიაბრუნა - მიზეზი კორონავირუსია?!")
"ბარსელონამ" 5:0 მოიგო, მისი მწვრთნელი კი მაინც უკმაყოფილოა 
