ლა ლიგას 28-ე ტურში "ბარსელონამ" გასვლაზე 4:0 დაამარცხა "მალიორკა".
მესიმ, რომელსაც მიკოროტრავმა ჰქონდა და იმიჯი შეიცვალა, გოლი გაიტანა და 2 საგოლე გადაცემა გააკეთა - მის ანგარიშზე მიმდინარე ტურნირზე 23 მატჩში 20 გოლი და 14 საგოლე გადაცემაა და გოლი პლუს საგოლე პასის სისტემით ჩირო იმობილესთან (ლაციო) ტოპ 5-ის ჩემპიონატების ლიდერია. ამას გარდა, ლეო პირველი ფეხბურთელია, რომელმაც მიჯრით მე-12 სეზონში პრიმერაზე 20+ გოლი გაიტანა.
თებერვალში "ლეგანესიდან" გადასულმა ბრეიზუეითმა "ბარსაში" პირველი გოლი გაიტანა.
რაკიტიჩმა "ბარსაში" მე-300 შეხვედრა ჩაატარა, ეს ამ გუნდის ლეგიონერებს შორის მეოთხე შედეგია.
ლიდერი "ბარსელონა" მეორეადგილოსან "რეალს" 5 ქულით გაექცა, რომელიც დღეს "ეიბარს" უმასპინძლებს.
17 ივნისს "ბარსელონა" საკუთარ მოედანზე "ლეგანესს" შეხვდება.
მალიორკა - ბარსელონა 0:4
გოლები: 0:1 ვიდალი (2), 0:2 ბრეიზუეითი (37), 0:3 ალბა (79), 0:4 მესი (90+3)
დღეს კიდევ 3 მატჩი გაიმართა
ესპანიოლი - ალავესი 2:0
სელტა - ვილიარეალი 0:1
ლეგანესი - ვალიადოლიდი 1:2