როგორც მოსალოდნელი იყო, ლა ლიგის 31-ე ტურში "რეალმა" მადრიდში უპრობლემოდ, 2:0 მოუგო ერთ-ერთ აუტსაიდერ "მალიორკას".
"რეალს", ისევე, როგორც "ბარსელონას", 68 ქულა აქვს, მაგრამ ურთიერთშეხვედრებში უკეთესი ბალანსით ლიდერია.
"რეალის" კაპიტანმა სერხიო რამოსმა ესპანეთის მიმდინარე ჩემპიონატზე მერვე გოლი გაიტანა და საკუთარი რეკორდი დაამყარა.
"მალიორკაში" 83-ე წუთზე შევიდა შეცვლაზე არგენტინელი ნახევარმცველი ლუკა რომერო, რომელიც ლა ლიგაზე ყველაზე ახალგაზრდა ფეხბურთელი გახდა - ის 15 წლისა და 219 დღისაა. აქამდე რეკორდი "სელტას" ყოფილ ფეხბურთელს, სანსონს ეკუთვნოდა, რომლის დებიუტი 1939 წელს 15 წლისა და 255 დღის ასაკში შედგა.
შემდეგ ტურში "ბარსა", 27 ივნისს, "სელტას" დაუპირისპირდება, "რეალი" კი 29 ივნისს "ესპანიოლს" შეხვდება.
რეალი-მალიორკა 2:0
გოლები: 1:0 ვინისიუსი (19), 2:0 სერხიო რამოსი (56)
დღეს პრიმერას კიდევ 2 მატჩი გაიმართა:
ალავესი-ოსასუნა 0:1
სოსიედადი-სელტა 0:1
![alt](/pictures/image50/e22cfa6cc3787025f01bee9f5614c7ef.jpg ""რეალმა" ლიდერობა დაიბრუნა - ჩემპიონობის ხელიდან გამშვები არ ჩანს?")
"ბარსელონამ" ძლივს მოიგო და გალიდერდა - 24 საათით? [VIDEO]
![ჩემპიონთა ლიგა. VI ტური: "რეალმა" "ატალანტას" სძლია - მბაპემ ტრავმა მიიღო [VIDEO]](/pictures/image7/4caa969dc180155404fe5b4850b491d4.jpeg "ჩემპიონთა ლიგა. VI ტური: \"რეალმა\" \"ატალანტას\" სძლია - მბაპემ ტრავმა მიიღო [VIDEO]")
