"ბარსელონას" ნახევარმცველ ანსუ ფატის აგენტი ლეო მესის ძმის, როდრიგოს ნაცვლად ჟორჟე მენდეში იქნება, - იტყობინება "მუნდო დეპორტივო".
პორტუგალიელი ჟორჟე მენდეში მრავალი ცნობილი ფეხბურთელის და მათ შორის, რონალდოს აგენტია.
ფატიმ გასულ სეზონში ლა ლიგის 24 მატჩში 7 გოლი გაიტანა და 1 საგოლე გადაცემა გააკეთა, "ბარსასთან" კი კონტრაქტი 2022 წლის ზაფხულამდე აქვს გაფორმებული.
"ბარსელონას" პრეზიდენტმა ჟოზეპ ბარტომეუმ განაცხადა, რომ ფატის ტრანსფერზე რამდენიმე კლუბმა მიმართა, მაგრამ ყველა უარით გაისტუმრა.
თუ "ბარსელონა" ფატის კონტრაქტს გაუგრძელებს, მისი გამოსასყიდი თანხა 400 მილიონი ევრო იქნება
