"ადგილი მზის ქვეშ" - კატალონიელები სატრანსფერო ფანჯრის გახსნისთანავე დიდ ომს გვპირდებიან

"ბარსელონას" პრეზიდენტი ჟოან ლაპორტა და გუნდის მთავარი მწვრთნელი რონალდ კუმანი ამ წლის ზაფხულში გუნდის გაძლიერებას და ამბიციური ფეხბურთელების მოყვანას გეგმავენ.

"ბლაუგრანას" ინტერესში მყოფი ფეხბურთელები ევროპულ ფეხბურთში საკმაოდ დიდი ამბიციებით სარგებლობენ. გასათვალისწინებელია, რომ ჩამონათვლიდან უმეტესობა საკმაოდ დაბალ ფასში გაიყიდება.
კატალონიელებს ფინანსური პრობლემები აქვთ. ამიტომაც შეეცდებიან შედარებით ასაკიანი, თუმცა გამოცდილი ფეხბურთელების მოყვანას. შესაძლოა, სიაში ის ფეხბურთელებიც აღმოჩნდნენ, რომლებმაც წლების წინ ესპანელების ყურადღება მიიპყრეს.

"ბარსაში" თამაში ერთი დიდი სიამოვნებაა, მესისთან ერთად გასახდელში ყოფნა და ფეხბურთზე საუბარი - კიდევ უფრო დიდი!
მაშ ასე, ჩამონათვალი ასეთია:

მემფის დეპაი
კუმანს ნიდერლანდელის გუნდში მოყვანა გასულ წელსაც სურდა, თუმცა კლუბის ხელმძღვანელობამ თავდამსხმელი "კამპ ნოუზე" ვერ გადმოიყვანა. მიმდინარე წლის ზაფხულში დეპაის "ლიონთან" კონტრაქტი უმთავრდება. ფრანგული კლუბი ამ ყველაფერს პოზიტიურად უყურებს, რადგან მათ სჯერათ, რომ კაპიტანი კონტრაქტს გაახანგრძლივებს. "ბარსელონასთან" ერთად მემფისით "იუვენტუსი" და "ლივერპული" ინტერესდებიან.

ჟორჟინიო ვეინალდუმი
მემფისთან ერთად, კუმანს კიდევ ერთი ნიდერლანდელის, ჟორჟინიო ვეინალდუმის მოყვანა სურს, რომელსაც მერსისაიდულ კლუბთან კონტრაქტი ასევე 2021 წლის ზაფხულში უმთავრდება. "ლივერპული" მის შენარჩუნებას არ ცდილობს. ამიტომ "ბლაუგრანა" მის დამატებაში უპირობო ფავორიტია, თუმცა ფეხბურთელის დამატებაში ისეთი გუნდები არიან ჩართულნი, როგორებიცაა "პარი სენ ჟერმენი", "ჩელსი" და "იუვენტუსი".

ერიკ გარსია
ახალგაზრდა მცველს კლუბთან არსებული კონტრაქტი ამ წლის ზაფხულში უმთავრდება. ესპანელმა მცველმა "მანჩესტერ სიტის" ხელმძღვანელობას შემოთავაზებულ ახალ ხელშეკრულებაზე უარი განუცხადა, მცველს "ბარსელონაში" სურს თამაში. მისით პსჟ-ც ინტერესდება.

ერლინ ჰოლანი
20 წლის ნორვეგიელის დამატება ევროპის თითქმის ყველა გიგანტს სურს. ვუნდერკინდისთვის ბრძოლაში ფავორიტი 4 გუნდია. ესენი გახლავთ: "მანჩესტერ სიტი", "პარი სენ ჟერმენი", "ბარსელონა" და მადრიდის "რეალი". რაც შეეხება სატრანსფერო ღირებულებას, "დორტმუნდის" ხელმძღვანელობამ ფეხბურთელს ასტრონომიული ფასი, 180 მილიონი ევრო დაადო.

სერხიო აგუერო
"ბარსელონა" ლიონელ მესის თანამემამულეს, სერხიო აგუეროს, ფაქტობრივად, შეუთანხმდა, თუმცა არგენტინელისთვის ბრძოლაში პსჟ-ცაა ჩართული.

მომზადებულია marca-ს მიხედვით

"ნეიმარი მესისთან ერთად ითამაშებს, ეს "ბარსელონას" შემადგენლობაში იქნება" - ბრაზილიელის ყოფილი აგენტი

ლაპორტას "ბარსელონას" სავარაუდო თერთმეტეული... დიდებულია! [PHOTO]