"ბარსელონას" პრეზიდენტმა ჟოან ლაპორტამ კომენტარი გუნდის 18 წლის ნახევარმცველ ილიაშ მორიბას შესახებ გააკეთა და განაცხადა, რომ ვერ ხვდება, ამ ბიჭს რა უნდა...
"ასეთი რამ არ უნდა ხდებოდეს. ფეხბურთელი აქ გაიზრდა, ახლა კი სარგებლის მიღებას იმ ფაქტით ცდილობს, რომ მისი კონტრაქტი მომავალ წელს იწურება. ასეთ მოქმედებას არ მივიღებთ. რაც ახლა ხდება, ეს ყველასთვის განკუთვნილი გზავნილია. თუ ფეხბურთელი კონტრაქტზე ხელს არ აწერს, ნიშნავს, რომ სხვა გადაწყვეტილება მიიღო.
მორიბა ძირითად გუნდში ვერ ითამაშებს, შემდეგ კი სხვა კლუბში გადავა. თუ ვინმეს წასვლა უნდა, ამის
გაკეთება ისე შეიძლება, ჩვენც რომ გვაწყობდეს.
ილიაში ბრწყინვალე ფეხბურთელია და ესმის, რაც ხდება. "ბარსამ" მას შესაძლებლობა მისცა, მან კი ანალოგიურად არ გვიპასუხა. იმედი მაქვს, რომ ის და მისი გარემოცვა კარგად დაფიქრდებიან. ვერ ვხვდები, რა უნდა, რას აკეთებს. იმედია, ასეთი რამ ჩვენს აღზრდილებთან დაკავშირებით მეტჯერ აღარ მოხდება", - თქვა ლაპორტამ.
გასულ სეზონში მორიბამ ლა ლიგაში 14 მატჩი ჩაატარა და 1 გოლი გაიტანა.
მომზადებულია Marca-ს მიხედვით
ნელ-ნელა, თუმცა წინ - ლაპორტას გეგმები კარგად მიდის
