ლა ლიგის მე-6 ტურში "კადისისა" და "ბარსელონას" მატჩი 0:0 დასრულდა.
სტუმრები საუცხოოდ ისევ ვერ გამოიყურებოდნენ. მსაჯმა 61-ე და 65-ე წუთებზე ყვითელი ბარათი უჩვენა ფრენკი დე იონგს და გააძევა, რაც, ცოტა არ იყოს, საკამათო იყო. დარჩენილ დროში მომენტები ორივე გუნდს ჰქონდა, მაგრამ გოლი ვერ გაიტანეს.
90+7-ე წუთზე არბიტრმა "ბარსელონას" მწვრთნელი რონალდ კუმანიც გააძევა, რომელმაც ნამატჩევს დაიჩივლა, რომ ესპანეთში არაფრის გამო აძევებენ, 7 მოთამაშე აკლია, რეალურად უნდა შეაფასონ სიტუაცია, თუ იგებენ, ის აგრძელებს მუშაობას, ხოლო თუ აგებენ - ახალი მწვრთნელი უნდა მონახონ.
![alt](/pictures/image50/cc89a092eb6d0a45ef64e6aab7794437.jpg "გაძევებული ფ. დე იონგი და კუმანი და "ბარსას" მორიგი დაკარგული ქულები")
კუმანს უთვლიან წამებს - "ბარსელონას" მწვრთნელის პოსტზე ორი კანდიდატურა გამოიკვეთა
