ესპანეთის ლა ლიგის მე-14 ტურში "სევილიამ" "დეპორტივო ალავესს" უმასპინძლა, მატჩი ფრედ, 2:2 დასრულდა.
პირველ ნახევარში გულშემატკივარმა 3 გოლი იხილა, ვიქტორ ლაგუარდიამ სტუმრები მე-5 წუთზე დააწინაურა, ლუკას ოკამპოსმა 38-ე წუთზე ანგარიში გაათანაბრა, 45+7 წუთზე კი ჟოზელუმ პენალტით ლაკორუნიელები კვლავ წინ გაიყვანა.
მთელი მეორე ნახევრის განმავლობაში სევილიელები უტევდნენ, თუმცა ერთადერთი გოლის გატანა შეხვედრის მთავარი არბიტრის მიერ კომპენსირებულ დროში (90+2) მოახერხეს, თავი ივან რაკიტიჩმა გამოიჩინა.
ამრიგად, "სევილია" 28 ქულით 1-ელ ადგილზე იმყოფება, მომდევნო შეხვედრას 29 ნოემბერს, მადრიდის "რეალის" წინააღმდეგ ჩაატარებს.
"ალავესი" 14 ქულით
მე-14 ადგილს იკავებს, შემდეგ მატჩს 27 ნოემბერს, "სელტა ვიგოს" პირისპირ გამართავს.
მადრიდის "ატლეტიკომ" "ოსასუნას" უმასპინძლა და 1:0 დაამარცხა.
"როხიბლანკომ" ერთადერთი გოლი 87-ე წუთზე გაიტანა, თავი ფელიპემ გამოიჩინა.
ამრიგად, 13 ტურის შემდეგ მადრიდელები 26 ქულით მე-4 ადგილს იკავებენ, მომდევნო შეხვედრას 28 ნოემბერს, "კადიზის" წინააღმდეგ გამართავენ.
"ოსასუნა" 19 ქულით მე-9 ადგილზე იმყოფება, შემდეგ ატჩს 30 ნოემბერს, "ელჩეს" პირისპირ ჩაატარებს.
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
![ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ "ბარსელონამ" "ბაიერნს" 4:1 მოუგო [VIDEO]](/pictures/image7/5b23cdea666d3812287c51b3c45cabb3.jpg "ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ \"ბარსელონამ\" \"ბაიერნს\" 4:1 მოუგო [VIDEO]")
![ჩემპიონთა ლიგა. II ტური: კიტეიშვილის "შტურმი" დამარცხდა - "რეალმაც" წააგო და "ბაიერნმაც" [VIDEO]](/pictures/image7/f145e22a3f2baf4be92726f50e2d7a04.jpg "ჩემპიონთა ლიგა. II ტური: კიტეიშვილის \"შტურმი\" დამარცხდა - \"რეალმაც\" წააგო და \"ბაიერნმაც\" [VIDEO]")
