ესპანური მედიის მტკიცებით, "ბარსელონას" საერთო ჯამში მილიარდ ევროზე მეტი ვალი აქვს, თუმცა ამ დროს გუნდის ძვირადღირებული ფეხბურთელებით გაძლიერებას ახერხებს.
"ბარსა" ცდილობს პრობლემურ პოზიციებზე დაიმატოს მოთამაშეები - 50 მილიონ ევროდ უკვე შეიძინა "ბაიერნისგან" თავდამსხმელი რობერტ ლევანდოვსკი და კატალონიური "სპორტის" ცნობით, "სევილიას" ცენტრალურ მცველ ჟიულ კუნდესაც მალე გადაიბირებს.
23 წლის კუნდეს "ჩელსიში" გადასვლა თითქმის გადაწყვეტილი იყო, მაგრამ "ბარსელონამ" "სევილიას" უფრო მომგებიანი წინადადებით მიმართა და საქმეს ისეთი პირი უჩანს, დაითანხმა კიდეც. დავაკონკრეტებთ: ლონდონელები მზად არიან 65 მილიონი სამ ტრანშად დაფარონ (პლუს ბონუსები), "ბარსელონამ"
კი 50 მილიონი შესთვაზა და თანხის დაუყოვნებლივ გადარიცხვას დაჰპირდა.
"ბარსას" ჯერ ოფიციალური წინადადებით არ მიუმართავს, მაგრამ ამას დღესვე გააკეთებს და ტრანსფერსაც გაჩარხავს.
კუნდემ გასულ სეზონში ლა ლიგის 32 მატჩში 2 გოლი გიტანა და 1 საგოლე გადაცემა გააკეთა. მან საფრანგეთის ნაკრების ღირსება 11 შეხვედრაში დაიცვა.
![alt](/pictures/image50/0d9b13a9bb0d30ae2eacbc55d1c6706e.jpeg ""ბარსელონა" ვალებში იხრჩობა, ძვირადღირებულ ფეხბურთელებს კი ყიდულობს")
"ბარსელონა" "ბილბაოს" ცენტრალური მცველის შეძენას ცდილობს
