მართალია, "ბარსელონას" აღარ უდგას ის ოქროს ხანა, როდესაც მისი ლეგენდა ლეო მესი "ოქროს ბურთს" "ოქროს ბურთზე" იგებდა, თუმცა კატალონიური გრანდის ფეხბურთელი წელსაც არ დარჩენილა უტიტულოდ. ზედიზედ მეორედ France Football-ის პრესტიჟული ჯილდოს მფლობელი სწორედ "ბლაუგრანას" წარმომადგენელი, "ბარსელონას" ქალთა გუნდის ნახევარმცველი ალექსია პუტელიასი გახდა.
პუტელიასი ამჟამად 28 წლისაა, ის კატალონიური გრანდის ღირსებას 2012 წლიდან იცავს.
