"რეალმა" ესპანეთის თასის ფინალში "ოსასუნას" 2:1 სძლია. მატჩის შემდეგ მადრიდელთა პრეზიდენტ ფლორენტინო პერესს ჰკითხეს, აპირებს თუ არა მთავარი მწვრთნელის კარლო ანჩელოტის გაშვებას, რაზეც მან მიუგო:"ანჩელოტი ბრაზილიის ნაკრებში? - ამის გაგონება არც კი მსურს! კონტრაქტი კიდევ 1 წელი გვაკავშირებს და კარლოს მუშაობით ძალიან კმაყოფილნი ვართ", - ციტირებს პერესის სიტყვებს ფაბრიციო რომანო.
ინფორმაციისთვის, Copa del Rey-ს მოგებით, ფლორენტინოს ეპოქაში "რეალმა" 32-ე ტიტული დაისაკუთრა, რითაც პერესმა, რომელიც გუნდის პრეზიდენტი 2000 წლიდანაა, (2006-09 წლებში პაუზა ჰქონდა), სანტიაგო ბენაბეუს რეკორდი გაიმეორა.
