ლა ლიგის 25-ე ტურში „ბარსელონამ“ გასვლაზე „სელტა“ 2:1 დაამარცხა.
სტუმრები პირველი ტაიმის ბოლოს ლევანდოვსკიმ დააწინაურა, შესვენების შემდეგ ასპასმა ანგარიში გაათანაბრა, ხოლო კომპენსირებულ დროში საჯარიმოში იამალი წააქციეს და პენალტი დაინიშნა - ლევანდოვსკის დარტყმული ბურთი მეკარე გუაიტამ მოიგერია, მაგრამ მან დროზე ადრე დატოვა კარის ხაზი და მეორე ცდიდან პოლონელმა გაუტანა.
ლევანდოვსკიმ ზედიზედ მესამე მატჩში გაიტანა - წელს მის ანგარიშზე 12 შეხვედრაში 8 გოლია.
„ბარსელონა“ 54 ქულით მესამე ადგილზეა და 22 თებერვალს ჩემპიონთა ლიგის პირველ 1/8-ფინალურ მატჩში სტუმრად „ნაპოლის“ დაუპირისპირდება.
ვიგო. „ბალაიდოსი“
სელტა - ბარსელონა 1:2
გოლები: 0:1 ლევანდოვსკი (45), 1:1 ასპასი (47), 1:2 ლევანდოვსკი (90+7, პენ)
![alt](/pictures/image50/e12fa3566951ab5a8ec93de37b5ad45e.png "ლევანდოვსკიმ კომპენსირებულ დროში პენალტი მეორე ცდიდან გაიტანა და "ბარსელონამ" "სელტას" სძლია")
"ნაპოლიმ" "ბარსელონას" დაუსახელა თანხა, რომლის სანაცვლოდაც კვარაცხელიას გაყიდის
