ესპანური გამოცემა Marca-ს ინფორმაციით, "რეალმა" "ლევერკუზენთან" ფლორიან ვირცის ტრანსფერზე შეთანხმებას მიაღწია. წყაროს ცნობით, 21 წლის ფეხბურთელი, მადრიდულ გრანდში 2025 წლის ზაფხულში გადაბარგდება და ტრანსფერის სავარაუდო ღირებულება 150 მილიონი ევრო იქნება.
ახალგაზრდა შემტევს "ბაიერთან" კონტრაქტი 2027 წლის 30 ივნისამდე აკავშირებს. გასულ სეზონში მან ყველა ტურნირზე 49 შეხვედრაში მიიღო მონაწილეობა, სადაც 18 გოლი გაიტანა და 20 შედეგიანი გადაცემაც მიაყოლა.
