"სპარტაკის" გამართლება და მოულოდნელი შედეგები - ჯიქიამ და მელქაძემ გრანდებს აჯობეს

ევროპა ლიგის ჯგუფური ეტაპის უკანასკნელ ტურში მოსკოვის "სპარტაკმა" "ლეგია" ვარშავაში 1:0 დაამარცხა და მერვედფინალში გავიდა.

მოსკოველებს მშვენიერი ტურნირი აქვთ - მათ იტალიური "ნაპოლი" ორივე შეხვედრაში დაამარცხეს და ამით შემდეგ ეტაპზე გასასვლელად სერიოზული ნაბიჯი გადადგეს. უკანასკნელ მატჩში კაპიტანმა გიორგი ჯიქიამ სრულად ითამაშა, გიორგი მელქაძეს კი დასკვითი 14 წუთი დაეთმო. ორივე ეს მოთამაშე გააფრთხილეს.



რაც შეეხება პოლონურ დაპირისპირებას, ადგილობრივი გულშემატკივრები მოსკოველებს მეძავებთან დაკავშირებული ბანერით შეხვდნენ. სტუმრებმა მე-17 წუთზე ზელიმხან ბაკაევის გოლით ანგარიში გახსნეს. შეხვედრის უკანასკნელი წუთები დრამატული გამოდგა - "ლეგიას" ჩეხ ლეგიონერ თომას პეხარტს თერთმეტმეტრიანი რომ გაეტანა, რუსები პირველ ადგილს დაკარგავდნენ. ახლა კი მეორე "ნაპოლია", რომელსაც მერვედფინალში გასასვლელად ჩემპიონთა ლიგის მესამეადგილოსანთან, რომელთა შორის "ბარსელონაცაა", დაპირისპირება ელის.

ამ ჯგუფის კიდევ ერთი წევრი "ლესტერი" იყო. ინგლისელებმა 8 ქულა დააგროვეს და კონფერენს ლიგაზე გადაინაცვლებენ. რაც შეეხება "სპარტაკს" - მათი წარმატების ერთ-ერთი მთავარი სულისჩამდგმელი ნიდერლანდელი ქვინსი პრომესია. რუი ვიტორიას გუნდში კიდევ ერთი საინტერესო მოთამაშეა - "ჩელსის" ყოფილი წევრი, ნიგერიელი ვიქტორ მოზესი.



"სპარტაკი" "ვესტ ჰემთან", "ლიონთან", "მონაკოსთან", "ლევერკუზენთან", "აინტრახტთან", "გალათასარაისთან" და "ცრვენა ზვეზდასთან" ერთად მერვედფინალშია.

ჯიქიამ იბრას სტილში შესანიშნავი გოლი გაიტანა, მემფისის მორიგი სპექტაკლი [VIDEO]

ხოჭოლავას "კოპენჰაგენმა" "სლოვანი" კონფერენს ლიგიდან გამოაგდო

ჩაკვეტაძის 70 წუთი და "ანორთოსისის" ხელიდან გაშვებული შანსი [VIDEO]