ინგლისის გულშემატკივრები იმ ფაქტს, რომ ფეხბურთი სახლში არ ბრუნდება, ვერ ეგუებიან. შეგახსენებთ, "სამი ლომი" ევრო 2020-ის ფინალში იტალიის ნაკრებთან პენალტების სერიაში დამარცხდა. გულშემატკივრების ნაწილმა ფეხბურთელების მიმართულებით სიტყვიერი შეურაცხყოფის მიყენებაც დაიწყო, მეორე მხარე კი ცდილობდა, თავი ხელში აეყვანა, რათა ყველაფრისდა მიუხედავად, ინგლისელებმა მოგებისთვის მაქსიმუმი ჩადეს.
ერთ-ერთმა გულშემატკივარმა change.org-ზე ხელმოწერების შეგროვება დაიწყო, რათა ფინალი გამეორდეს.
"2021 წლის 11 ივლისს გამართული შეხვედრა სამართლიანი არ იყო" - წერს ავტორი.
"იტალიელმა შეხვედრის მიწურულს ინგლისელი ფეხბურთელი ისე დაიჭირა, თითქოს ის მისი მონა ყოფილიყო. აქ მას წითელი
ბარათი უნდა მიეღო, შეხვედრა კი განმეორებით უნდა გაიმართოს, არბიტრად კი ობიექტური ვინმე უნდა დანიშნონ".
პეტიციას ხელი 75 000-მა გულშემატკივარმა მოაწერა. აღსანიშნავია, რომ ხელმოწერების რაოდენობა სწრაფად იმატებს.
მომზადებულია marca-ს მიხედვით
იტალიამ ინგლისს "უემბლიზე" სძლია და 53 წლის შემდეგ პირველად გახდა ევროპის ჩემპიონი [VIDEO] 
