ბუნდესლიგის 24-ე ტურში "ბაიერნი" "ჰერტასთან" მატჩში ნულოვან ფრეს დასჯერდა, თუმცა იმხელა ფორით გაექცა მდევრებს, რომ ეს ტრაგედია ნამდვილად არაა. შეხვედრის შემდეგ "რეკორდმაისტერის" თავკაცი იუპ ჰაინკესი მოკლე კომენტარით შემოიფარგლა:"მიუხედავად ფრისა, ფეხბურთელებზე აუგი არ მეთქმის. ურიგოდ არ გვითამაშია, მეტადრე პირველ ტაიმში. კარგი მომენტები ვერ გამოვიყენეთ.
თავს კარგად ვიცავდით. უცნაურია, რომ გოლი ვერ გავიტანეთ, თუმცა ასეც ხდება ხოლმე".
"ბაიერნმა" ქვეყნის ჩემპიონატზე 14-მატჩიანი მოგებათა სერია შეწყვიტა და საკლუბო რეკორდი ვერ დაამყარა.
