ლონდონის "ჩელსის" მთავარი მწვრთნელი ანტონიო კონტე იმედოვნებს, რომ სატრანსფერო ფანჯრის დახურვამდე გუნდს კიდევ 5 ფეხბურთელით გააძლიერებს, - ამტკიცებს Express-ი. წყაროს ცნობით, ახალი ფეხბურთელების შესაძენად იტალიელი სპეციალისტი 200 მილიონი ფუნტის დახარჯვას აპირებს.აღნიშნავენ, რომ კონტეს სამიზნეები არიან: "არსენალის" ნახევარმცველი ალექს ოქსლეიდ-ჩემბერლენი, "ლესტერის" საყრდენი დენი დრინკუოტერი და "საუთჰემპტონის" სამი მცველი - ვირჯილ ვან დეიკი, სედრიკ სუარეში და რაიან ბერტრანდი.
შეგახსენებთ, რომ ამ ზაფხულს "ჩელსის" შემადგენლობა შეავსეს: მეკარე ვილი კაბალიერომ, მცველმა ანტონიო რიუდიგერმა, ნახევარმცველმა ტემუე ბაკაიოკომ და ფორვარდმა ალვარო მორატამ.
(იბეჭდება მცირე ცვლილებით)
