მიმდინარე სეზონის დარჩენილ ნაწილს "მანჩესტერ სიტის" მცველი ელიაკიმ მანგალა "ევერტონში" ჩაამთავრებს. ქალაქელებმა "კანფეტებს" 26 წლის ფეხბურთელი სეზონის ბოლომდე იჯარის წესით დაუთმეს. როგორც ჩანს, "ეტიჰადზე" აიმერიკ ლაპორტეს მოსვლის შემდეგ კლუბში ფრანგი ფეხბურთელის ადგილი აღარ დარჩა. მანგალა "სიტის" 2014 წელს "პორტოდან" 32 მილიონი ფუნტის სანაცვლოდ შეუერთდა.
მის გარდა, სემ ელერდაისის გუნდმა გასულ სატრანსფერო ფანჯარაზე კიდევ ორი ფეხბურთელი - თეო უოლკოტი და ჩენკ ტოსუნი დაიმატა.
