პრემიერლიგის 26-ე ტურში "ჰადერსფილდთან" მოგებული მატჩი (2:0) "მანჩესტერის" მწვრთნელმა ჟოზე მოურინიომ ასე გაარჩია:"ინიციატივას ვფლობდით, მაგრამ პირველ ტაიმში გოლი ვერ გავიტანეთ. მგონი, ბურთის ფლობა 85% იყო ჩვენს სასარგებლოდ. 1:0-ის შემდეგაც აქტიურად ვუტევდით, ჩვენს კართან კი მომენტები არ იქმნებოდა.
მაღალი პრესინგის და მეტოქე გუნდის მენეჯერის დევიდ ვაგნერის მიერ აგებული ბერლინის კედელის დანგრევა იყო საჭირო. მიხარია, რომ სანჩესმა ჩვენს გუნდში პირველი საშინაო გამარჯვება მოიპოვა და გოლი გაიტანა. დიახ, ეს არ იყო ოცნების გოლი, თუმცა მაინც გოლია".
