"ლივერპულმა" პრემიერლიგის მეექვსე ტურში "ენფილდზე" 3:0 დაამარცხა "საუთჰემპტონი". გოლები უესლი ჰოედტმა (საკ. კარში), ჟოელ მატიპმა და მოჰამედ სალაჰმა გაიტანეს. ასე რომ, "წითლებმა" ინგლისის ჩემპიონატის პირველი ექვსივე მატჩი მოიგეს და ამას გარდა, ჩემპიონთა ლიგაზე პსჟ-ც დაამარცხეს.
ასეთი წარმატებული სტარტი ამ გუნდს თავისი 126-წლიანი უმდიდრესი ისტორიის მანძილზე არ ჰქონია.
"მანჩესტერ სიტიმ" სტუმრად არ დაინდო "კარდიფი" (5:0). უელსელთა კარი სერხიო აგუერომ, ბერნანადო სილვამ, ილკაი გიუნდოგანმა და რიად მარეზმა (ორჯერ) დალაშქრეს.
აგუერომ პრემიერლიგაზე 147-ე გოლი გაიტანა და მის
მარეზმა პირველად გაიტანა ახალ გუნდში გოლი, უფრო სწორად, გოლები.
"მანჩესტერ იუნაიტედმა" საკუთარ მოედანზე ვერ მოახერხა "ვულვერჰემტონის" ძლევა (1:1). არადა, საავადმოყოფოდან გამოწერის შემდეგ პირველად მივიდა "ოლდ ტრაფორდზე" თავისი გუნდის მხარდასაჭერად ალექს ფერგიუსონი.
პირველი გოლი გაიტანა "მანიუში" ბრაზილიელმა ლეგიონერმა ფრედმა.
"ჩელსის", რომელსაც ხუთიდან ხუთი მოგება აქვს, ხვალ "ვესტ ჰემს" ხვდება.
