26 აპრილს, პრემიერლიგის 36-ე ტურში "ლივერპულმა" საკუთარ მოედანზე "ჰადერსფილდი" 5:0 გაანადგურა.
პრემიერლიგიდან უკვე გავარდნილმა "ჰადერსფილდმა" წინააღმდეგობა ვერ გაუწია მრისხანე მეტოქეს და თამაში პირველივე ტაიმში წააგო.
"ლივერპული" ისევ გალიდერდა, "მანჩესტერ სიტის" 2 ქულით გაექცა, რომელიც 28 აპრილს სტუმრად "ბარნლის" შეხვდება.
ნაბი კეიტამ ანგარიში მე-15 წამზე გახსნა - ეს პრემიერლიგაში "წითლების" ყველაზე სწრაფი გოლია.
დუბლის შემსრულებელი მოჰამედ სალაჰი ბომბარდირთა დავაში 21 გოლით გალიდერდა, მასზე 1 გოლით ნაკლები აქვს გატანილი მის თანაგუნდელ სადიო მანეს, რომელმაც ასევე დუბლი შეასრულა.
ენდრიუ რობერტსონმა ამ შეხვედრაში 2 საგოლე გადაცემა გააკეთა და პრემიერლიგის ისტორიაში მესამე მცველია, რომელმაც სეზონში 10+ პასი მიითვალა.
ლივერპული. "ენფილდი". 53 249 მაყურებელი
ლივერპული - ჰადერსფილდი 5:0
გოლები: 1:0 კეიტა (1), 2:0 მანე (23), 3:0 სალაჰი (45+1), 4:0 მანე (66), 5:0 სალაჰი (83)
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
