25 ოქტომბერს, პრემიერლიგის მე-10 ტურში "ლესტერმა" გასვლაზე 9:0 გაანადგურა "საუთჰემპტონი".
"ლესტერმა" ინგლისის უმაღლესი ლიგის ისტორიაში გასვლით მატჩში ყველაზე დიდი ანგარიშით გამარჯვება მოიპოვა.
წინა მიღწევა "მანჩესტერ იუნაიტედს" ეკუთვნოდა, რომელმაც 1991 წელს "ნოტინგემ ფორესტს" 8:1 მოუგო.
აგრეთვე "ლესტერმა" ინგლისის პირველობაზე "მანჩესტერის" მიერ ყველაზე დიდი ანგარიშით მოგება გაიმეორა - 1999 წელს "იფსვიჩი" 9:0 გააბითურა.
აღსანიშნავია, რომ მსაჯმა მე-12 წუთზე "საუთჰემპტონის" მცველი რაიან ბერტრანი გააძევა და ამის შემდეგ კაცნაკლული თამაშობდა.
სამ-სამი გოლი აიოსე პერესმა და ჯეიმი ვარდიმ გაიტანეს და ეს უკანასკნელი 9 გოლით პრემიერლიგის ბომბარდირია.
"ლესტერი" 20 ქულით მეორე ადგილზეა და 3 ნოემბერს ლონდონში "კრისტალ პალასს" შეხვდება.
